Popular Bible Verses from Yohanes 10

Share

Oma maseekee bagee gaayu ko oma masiino ma, mée wugiino ma, mée wegee-wegee taano ma kuwa too ukuwaano see naadi miyaa. Kiya Anii meta mee ko mée daamaa tuyaabuu siwoo taano see naadi meta, okoo daamaa toowoo naadi kaama ede dimii mee maamaa eebaa kedaasi naadi meta.

Anii ko domba wodaa munitaa see Mée, daamaa mee. Domba wodaa munitaa see Mée, daamaa mee Wa me kuwa domba wodaa yuwa kaa yabogaano see naadi Waa ekaato yaekegataayaa.

Ni me domba yuwa kuwa Ni me mena wuu da daamaa nayeegee see. Ani me okoo ipi, bedaa okoo miya Anii naobeegea.

Ani me okoo iminoo miya, iminoo miya kisee too toowoo siyaa bagee kiyaayaa yoka okoo se pedeo kaatagea. Okoo Ni me yagaa da kaa kaama mée ena ma se napekagiipea.

Anii ko kenee to. Ni doodoo da taa seemiyaa bagee kuwa daba daagimaa poopea, bedaa okoo Ni doodoo da taa meegee, peegee naadi kaama naano agiyoo noogee yoo daamaa deemagaapea.

Anii ko domba wodaa munitaa see Mée, daamaa mee. Nagamee Anii naipi, bedaa Anii miya Nagamee ipi. Mee mokoo miya Ni me domba yuwa Anii ipi, bedaa domba yuwa miya Anii naipi. Ni me domba yuwa kaa Anii yabogaano see naadi ekaato yaekegataayaa.

Neataagi mee, okoo Ni paagoo neeta Mée mee ko Ebo Wodoo Eboo see Mée yoka Nagamee Wa me yagaa kaa kaama yapekagiino bagee ena ma taa. Anii ma, Nagamee ma Enaa ko ena too too, ena mee too" see asigi.

Anii ko domba wodaa munitaa see Mée, daamaa mee. Nagamee Anii naipi, bedaa Anii miya Nagamee ipi. Mee mokoo miya Ni me domba yuwa Anii ipi, bedaa domba yuwa miya Anii naipi. Ni me domba yuwa kaa Anii yabogaano see naadi ekaato yaekegataayaa.

Ni me dimi noogaa da mée ena ma se namasemaayaa, Anii aii se nabooyaayaa. Ni me gaayaa-gaayaa kuwa kaa too ekaato yaekegataata mée kaa yabooyaa. Ni me dimi noogaa da yaekegatagaano mee miya, Anii bedaa masemagaano mee miya ekea paaya Ni me too koo semaayaa. Ekea paaya Neataagi me 'Kisee ukuwaai' see naseta mee me Anii ekea paaya ukuwaapa" see asigi.

Bedaa Yesus me asiino, "Anii esee mikee kisiino ko: Anii ko domba wodaa seemetaa see kenee to.

Aii kisee domba wodaa yamunitaa see mée to gaayu ko waa kisee dimii taa. Waa domba wodaa epoo mée taa kemaata waa domba wodaa yuwa yamunitaaki too deamoo ko piya yiba woda nookee kamenoo damaa to migi. Yaai naadi kaama kuwa domba wodaa yuwa wisintaata moga ooyaa. Oogi naadi kaama kameno me domba wodaa pekageeta kaama apa yuwa peeda-paada siyaabuu siyaa.

Yesus me wegaano, "Anii esee mikee kisiino ko: Domba wodaa kiwitaa to yiba seemaano see naadi kenee to taa se peeta apanaa taa seemiyaa bagee kuwa ko oma maseekee bagee, oma yagaakee bagee too.