Popular Bible Verses from Marku 13

Share

Atu eswe maakanuvutwokela mumu hali yami. Alioze yoze makanyongonona ndoo ku songo, kumakamulamwina.”

Kanyamenu, talenu kanawa, mumu kunwanyingikine muze tangwa lize mulibwa.

Muze maakanukwata ni kunukunjika kuli ngaji, kanda nukalibikala ha chize munukakumbulula. Munukahanjika yeswe yize makanwaha ha ola yize, mumu hi yenu ko munukahanjika, alioze Mwiku wa Linanga.

Lilu ni hashi muyikahwa, alioze maliji jami keechi kwiza kuhwa nichimwe.”

“Alioze hakutwala ku tangwa lize ni ola yize, niumwe unayingyingika, chibwe tunganda a mwilu, chibwe Mwana ka, shina Tata wika Unanyingika.

Muze munukevwa lundunjila wa jita hakamwihi, ni sango ja jita kusuku, kanda nukevwa woma. Chatamba yino yuma kubwa, alioze songo kanda lichibwa.

Kashika kanyamenu, mumu kunwanyingikine muze mwenya zuwo meza, hanji chingoloshi, hanji ha muchima ufuku, hanji ha ndemba mutangu, hanji chichamene. Kuchina susumuku meza, manuwana mu tulo. Chize ngunanwambe yenu, ngunachambila eswe ngwami: Kanyamenu!”

Mumu vungu ni vungu kumaakasa jita. Wanangana kumukalimika ni wanangana ukwo. Minyiko ya hashi muyikabwa kweka ni kweka. Zala yinji muyikabwa. Yuma yino yeswe muyikalifwa ngwe kabutu ka yikola ya kusema.

Alioze je Sango Jibema chatamba kujambujola ku mavungu eswe a hashi.

Anji maakeza mu jina liami nikwamba ngwo: ‘Yami mwe Chilamwina yoze Zambi alakenyene.’ Kumaakapiangula anji.

“Alioze kanyamenu yenwene, mumu atu maakanukunjika ku Mbunga ya Ngaji ja Ayuda, maakanulamba mu mazuwo a kuwayila ja Ayuda. Munukamana ku meso ja akwa kuyula ni ku meso ja mianangana, mumu hali yami, ha kushindakenya Sango Jibema.

Mumu yilamwina a mahuza ni akwa munanyi a mahuza kumakasoloka, kumaakalweza yilayi ni yipupu ya kupiangula, nyi muchihasa kubwa, chibwe waze Zambi hanatongola.

“Alioze ha matangwa waze, kulutwe lia lamba lize, tangwa mulikalaa, kakweji kechi katwa nawa mieji. Matongonoshi maakaholoka mwilu, ndundo ja mwilu mujikanyikumuka.