Popular Bible Verses from Marku 11

Share

Kashika, ngunanwambulwila ngwami, yuma yeswayo munwita ha kulemba, fulielenu ngwenu, hinwayitambula kulu, kumunukayitambula.

Chamwenemwene ngunanwambulwila ngwami, yoze mamba ku mulundu uno ngwenyi: ‘Tangumuka, ulimbile mu kalunga lwiji,’ nyi kechi kuyambashana mu mbunge yenyi, alioze mafuliela, cheswacho mamba kumuchikabwa.

Ni muze munumana ni kulemba, konekenenu akwenu nyi umwe Chuma anuli nacho, hanga Tatenu wa mwilu akanukonekene milonga yenu. [

Yesu yambila tumbaji ngwenyi: “Fulielenu Zambi.

Yesu yaalongesa ni maliji wano ngwenyi: “Kuliasonewene mu Mukanda wa Zambi ngwo: ‘Zuwo liami makalivuluka ngwo, zuwo lia kuwayila lia mavungu eswe,’ nyi? Alioze yenu hinunalipwisa chivwenge cha eji.”

Atu waze atetekelele kulutwe lia Yesu ni waze amukawile yaakololoka ngwo: “Vulie! Zambi awahise yoze uneza mu jina lia Mwene!

Zambi awahise Wanangana uze muwiza ho, Wanangana wa kashakulu ketu David! Vulie Zambi Mwilu Mwahiana!”