Popular Bible Verses from Mateu 2

Share

Akwa mana yaanjila mu zuwo, yaamona mwana hamwe ni naye Maria, yaafulamana, yaawayila mwe mwana, yaabakula yikashi yo, yaamulambula milambu ya oru, ni maji a vumba libema libano, ni mira.

Yesu yasemuka mu Betleheme, limbo lia mu Yudea, muze te Herode abwile mwanangana. Muze Yesu hasemuka, akwa mana waze te akuhengula matongonoshi, yaakatuka ku chivumbuko, yeeza ku Yerusaleme. Yaahula ngwo: “Ulihi mwana yoze unakasemuka, yoze makabwa mwanangana wa Ayuda? Tunakamona lutongonoshi wenyi nikusoloka ku chivumbuko. Hitweza ni kumuwayila.”

Muze heevwa maliji ja mwanangana, yaakatuka, yaaya, yaamona lutongonoshi yoze amwene ku chivumbuko. Ha kumumona yaawahilila kuhiana. Lutongonoshi yatetekela kulutwe lio ndoo yamana helu lia homa haze habwile mwe mwana.

Zambi yaatoweza mu chilota ngwenyi, kanda ahiluka maha Herode. Kashika, yaaya jila yeka nikuhiluka ku chifuchi cho. Muze akwa mana haaya, kanganda ka mwilu yasolokela Josefe mu chilota, yamwamba ngwenyi: “Katuka, anda mwana ni naye uchinyine ku chifuchi cha Egiptu. Ukabwe ko ndoo mungukakutambika, mumu Herode kanafupu mwana akamushihe.”