Popular Bible Verses from Mateu 18

Share

Mumu yami nakubwa mukachi ka atu waze analikungulula mu jina liami, chibwe aali hanji atatu.”

“Chamwenemwene ngunanwambulwila nawa ngwami, nyi aali hakachi kenu hano hashi maalikunda ni kwita chimwe Chuma ha kulemba, Tata wa mwilu makaaha cho.

Yesu yatambika kanuke, yamumika mukachi ko, yamba ngwenyi: “Chamwenemwene ngunanwambulwila ngwami, nyi kunwalumukine ku mbunge ni kubwa ngwe twanuke, kunuchi kanjila mu Wanangana wa mwilu.

Yoze malikehesa ni kubwa ngwe kanuke yono, mwe munene Wahiana mu Wanangana wa mwilu.

Ni yoze matambula kanuke umuwika ngwe yono, mu jina liami, mangulambula yami.”

“Chamwenemwene ngunanwambulwila ngwami, cheswacho munukalituna hano hashi, Zambi mwilu halituna cho kulu, ni cheswacho munukatayiza hano hashi, Zambi mwilu neye hachitayiza kulu.

Yesu yaweza ho ngwenyi: “Chenacho Tata wa mwilu makanulinga nyi umwe wa kuli yenu kasolo kukonekena mukwo ni mbunge yenyi yeswe.”

“Yoze mavulumwisa umwe wa kuli twanuke wano akepe waze akungufuliela, chinalite amukase liwe linene ha kota ni kumumbila ha jinga lia kalunga lwiji.

“Kuchi nunanyongo? Mutu, nyi mabwa ni kulakaji lia mapanga, mba umuwika matoka, kechi kuhichika makumi livwa ni livwa akwo ha mulundu ni kuya ni kufupa yoze watokanga, nyi?