Popular Bible Verses from Ubutukilo 6

Share

yevwa chinyengo ha chize atangile mutu ni kumusa hashi.

Muze Mwene Zambi hamona ngwenyi, hashi heswe atu kaakulinga yibi kuhiana, kaakunyonga shina kulinga yibi matangwa eswe

Alioze Mwene Zambi yawahilila hali Noa.

Jino je sango ja Noa. Noa yasema ana atatu a malunga: Sheme, ni Hame, ni Jafete. Noa te keshi kapalia, yalivwa ni Zambi. Shina iye wabwile mukwa ululi ha miaka yenyi, atu akwo eswe abwile abi ku meso ja Zambi. Vunda ni kwonona yiimwangana mwamwaa hashi heswe.

Mba yamba ngwenyi: “Mungwonona atu eswe waze natangile, chibwe kweswako ali. Mungwonona atu ni tushitu ni tututu ni tujila eswe, mumu ngunevu chinyengo ha chize natangile yuma yeswe.”

Muze atu hooka haalitanda hashi heswe, ana a mapwo no yaasemuka. Muze atu ja Zambi haamona ngwo, ana mapwo kaanabeme kuhiana, yaabutuka kulimbata ni waze azangile. Mba Mwene Zambi yamba ngwenyi: “Mwiku wami kuuchi kalitachika ni atu matangwa eswe mumu kaali lume atu. Alioze miaka yo muyikabwa lume 120.” Ha matangwa waze, hanji chibwe kulutwe lia matangwa waze, hashi habwile atu ataluka. E atu waze yaasemuka kuli akwa mwilu ni ana mapwo ja atu. Te tushakulu a tachi kanda akwa lufuma.

Mba Noa yalinga yize yeswe amwambile Zambi.

Zambi yambila Noa ngwenyi: “Hinabatula ngwami, mungwonona atu eswe. Mungwonona eswe upu mumu hashi yibi yaho hiyoka kuhiana.

Ulitungile ulungu ni mabaya abema a tachi. Usamo yibatulo yikepe yikepe, uushila ni usolososhi (goudron) haze ni muchima.

Zambi yatala hashi, yamona ngwenyi, hihabihia, mumu atu te kaakulinga yibi kuhiana.

Tushitu a milali yeswe, anene anene ni akepe akepe, ni tujila a milali yeswe, unjisa aali aali, kuji ni chihwo, mu ulungu. Nyi ka maakafwa.