Popular Bible Verses from Ubutukilo 32

Share

Mutu yoze ngwenyi: “Jina lie kulichi kubwa nawa Yakoba, mumu hiwalitachika ni Zambi ni atu, hiwakumba. Kashika maakuvuluka ngwo, Israele.”

Mwe lunga yambila Yakoba ngwenyi: “Ngweche nguye, mumu hikwacha.” Alioze Yakoba ngwenyi: “Chichi kukwecha ndoo hiwanguwahisa.”

Yasala ukawenyi mu sali. Mba umwe lunga yalitachika ni Yakoba ndoo ni muze hikwacha.

Yakoba yaluka ho jina ngwenyi, Peniele, mumu yamba ngwenyi: “Hinamona Zambi meso ni meso hindu nguli ni mwono.”

Muze lunga yoze hamona ngwenyi, kahashile kukumba Yakoba, yamukwata ha shina lia kulu, mba kulu yilisengunuka.

Lunga yamukumbulula ngwenyi: “Jina lie yena iya?” Yakoba ngwenyi: “Yami Yakoba.”

Yakoba ngwenyi: “Nalemba ngulweze kama jina lie.” Alioze iye ngwenyi: “Mumu yika unahulila jina liami?” Mba yamuwahisa.

Yami, kavumbi ke, ha kumona chize wangulwezele zango, ni chize wamanunwine yilakenyo yeswe yize wangulakenyene, kuyangutelele nihakepe. Nazaukile lwiji wa Yordau, te Chishi nichimwe ku moko, shina lukanda wami wika. Alioze haliabwila ngunahiluka ni mbunga jaali.

Kashika, ndoo ni musono, Aisraele keeshi kulia yifwo ya ha shina lia kulu lia kashitu, mumu lunga yoze wasengunwine Yakoba ha shina lia kulu.

Hohene yalemba ngwenyi: “Zambi ya kaka Abrahama ni tata Isake, ngwivwe kama. Yena Mwene wami wangwambile nguhiluke ku chifuchi chami, ni kuli usoko wami, mba muukanguwahisa.

Nalemba ngulamwine kama ku moko ja yaya Esau. Ngunevu woma, hanji meza ni kungububa ni mapwo hamwe ni ana.