Popular Bible Verses from Luke 3

Share

Na tama raa ku oti te hakoukou tapu ria hakaatoa, tena Jon ki hakoukou tapu hoki Jisas. Te vaelani raa ku taaraki te saaita Jisas ni lotu raa, tena TeAnana Tapu raa ku llee iho i aruna Jisas pera ma he rupe. Tena TeAtua ki tattara iho i te vaelani ma, “Akoe he Tamariki hakamaoni roo Anau. Anau e hihia roo i Akoe.”

Tena Jon ki tattara ake te kanohenua raa hakaatoa ma, “Anau e hakoukou tapu kootou ma te vai, e meia e isi te tama e me ki hamai i muri anau tera e hakanaaniu roo i aruna anau. Anau se tau hoki te vvete na maea na taka Aia e uru raa. Tama raa e me ki hakoukou tapu kootou ma TeAnana Tapu ia ma te ahi.

Ppena na mee taualleka ki huri ake pera ma kootou ku ttike i taha ma na hai sara kootou. Tena auu se ahu ma Abraham he tipuna kootou. Anau e meatu kootou pera ma TeAtua e lavaa te huri na hatu nei ki mee peeraa ma ni mokopuna Abraham.

Te taku TeAtua raa ku tanatana ki ttuu na patiaka na laakau raa; na laakau hakaatoa se hhua na hua taualleka raa e me ki tuutia ki hina, tena ku lletu i roto te ahi.”

E ssau pera ma profet Aisaia ni taataa mai i roto te launiu aia ma, “He tama e takutaku i te kina e tuu mahoa ma, Tanattana te mateara TeAriki ki hamai vaa aruna. Tena ku hakatonu te mateara Aia raa ki tonu. Tanu na kina notonoto raa ki mmore. Tena ku ssari na mouna ia ma na tutu raa ki hakanatahi. Hakattonu na mateara e ppiko raa ki ttonu, tena ku hakamoremore na kina papapa haeo raa ki pappapa laoi. Tena na tama roo hakaatoa e me ki kkite TeAtua e tokonaki laatou ki ora.”