Popular Bible Verses from Luk 9

Share

Se Ọ̀ nwọ seni inimgba ḅẹmẹ, “Ị̀ ḍuko nwẹngị ḅiḅọ omi-ẹ ḅẹḅẹ ye iniḅọ mịnaḅụ se ḅieḅarama, eneḅeneḅene iniḅọ mgbẹsẹchịn deki se ị̀ ḍuko.

Anịatịḅị iniḅọ ḍumo fọịn àrị ḅọ omi-ẹ ḅẹḅẹ, iniḅọ anị famaḅịa, ọkụma ị̀ tịḅị gose iniḅọ ḍumo nwọ famaḅọ omi-ẹ ḅẹḅẹ, iniḅọ anị ḍụaḅọrọmaḅịa.

Jizọs Ḅe nwọse ọ̀ ḅẹmẹ, “Nwọ sakị ozu fịrịnwẹngị se tọrụ pịkị ọḅụ ḍikiḅọ goyegoye iniḅọ ḅarị Tamụnọ Amanyanakiri mị gbẹịnkẹ.”

Tomoniḅọ nyanaḅịa sọye omi iniḅọ nemikase bebe tomonikiri mị nwọ nyanaḅo se iniḅọ ḍumo nwọ fama anịkanịka iniḅọ faḅụsọ ọkụma? Anị ḅụokoromẹ na iniḅọ nyana sọye ofori-ẹ!

Tomoniḅọ nemikase ị̀ gose pịkị ị̀ya ḍieyema gose ḅụgereremẹ ḅẹḅẹ, anịọkụma Tomoniḅọ Tọkụ Ḅe pịkị iniḅọ gose ḅụgerereḅịa Ori Oria boma na, Ḍaḅọ ḅe boma na pịkị fịafịa enjẹlapụma boma mị na ḅoḅịa sịkị.

Jizọs Ḅe nwọse ọ̀ ḅẹmẹ, “Pụnụma àrị ḅụkụ nyanamẹ, fenima pịkị feni-warị nyanamẹ, ọkụma Tomoniḅọ Tọkụ Ḅe Ọ̀ nyana se ḅọlọlọ ịnyọsaraḅịa anga ofori-ẹ.”

se nwọse ini ḅẹmẹ, “Iḅiọkụ se ị̀ya ẹrẹ ḅụ mị tọkụ mị ọkịḅọ goyegoye, iḅiọkụ se ị̀ ọkịmẹ, se iḅiọkụ se ị̀ ọkịḅọ goyegoye pịkị iḅiọkụ se ị̀ se fịrịmaḅọ ḅe ọkịmẹ. Anịatịḅị ómine mgba ogboku bokatẹịnḅọ ḅe ori mị opu sọtẹịnḅọ ḅe-ẹ.”