Popular Bible Verses from Okunwẹngịapụ 5

Share

Pita ḅe na ísí okunwẹngịapụ ma na ini pẹkẹrẹmẹ, “Tamụnọ Ḅe ḍukoye mị wa mịẹḅịaye-ẹ, tomoniḅọ ḍukoye kẹ.

Se eneḅeneḅene Oputẹkẹwarị mị ḅie na tomoni-a warịma ḅie na kunoka ḅara ḅụ ini Jizọs Mẹsaya Ḅe Iḅi Ḅẹrẹ mị ḍuko se pịkị anị se yeḍie ma ḅọrọmẹ.

Pita ḅe nwọse ọ̀ ḅẹmẹ, “Ananayas, nde ị́ gose ḅereni oru ḅe pịrị se ori ị́ kuḅiemgbọlụ nwọ ọkị nyanaye, se ị́ mịẹse ị́ iruo kọn Fịafịa Tẹmẹ Ḅe pịrịye, ị́ ọkị igbiki mị ḅe pẹkẹrẹ nwọ seni ị́ ḅụ wẹrịma? Ị̀ nyanaye mị ma ị́ nwọ dẹrịka sịkị anị sime ị́ pịrịmẹ, ị́ pịkị anị dẹrịso sịkị sọnị igbiki mị sime ị́ pịrịmẹ. Nde anịsịkị ị́ gose ị́ kuḅiemgbọlụ ḅie ḍuko pẹlẹye na ị́ nwọ simeye nwọ mịẹḅịa? Ị́ iruo kọn tomoni pịrịkẹ—Tamụnọ Ḅe mị ị́ iruo kọn pịrịye-ẹ!” Ananayas ḅe mịn mị nwọ naa kirikiri ọ̀ ḅịkị koro se fịmẹ se anị gbolomaye naa apụ mamgba opu ḅalafa inia ḅie sọmẹ.

Anị mịọkụ mị ḅẹrẹ mị pịkị simeọkụ-ẹ, à ḍuko ọ́ pịrịaḅẹ, ọ́ gbọrịye sọnị se mịna owuapụma mịẹ ma. Ọ́ sarama inia ḅụḅarasin! Anịatịḅị mịna owuapụma tọn se pịkị nwẹngịarị fịrị mị tomoni ḅaraye-ẹ ḅẹḅẹ anị faḅịa. Ọkụma anị nemikase Tamụnọ ḅara ḅomẹ ḅẹḅẹ, ómine ineda sarasarama ini nẹngịma ẹkẹ. Ómine ọ́mịna ḅụ ma ḍọkịḅoḅịa na ómine owu se Tamụnọ Ḅe paka aḅẹ!” Ḅẹrẹchiri mị Gamaliẹl ḅe pịrị tetema mị nwọ ọkịmẹ.