Popular Bible Verses from Kịẹn-aḅịḅị 14

Share

Ọmịnị rẹ paa sịḅị-kụrọma KỊNỊNYANAḄỌ ḅe pịrị ma, tẹ ama mẹ ḅẹ atomi ma ḍiki-ḅalafa ma, kẹ gotẹ ọkọ ḅẹẹarị, ini anie sime wa pịrị fịye; ịna ḅụụ-ḍikiḍikiye mẹ ịna aḅụụ ḅụ sikima tẹ, anịsakị KỊNỊNYANAḄỌ ḅe wamịnị na emi; ọmịnị ịn ḍiki-ḅalafa ma.”

KỊNỊNYANAḄỌ ḅe ọ̀ nwana-nwanama ịganị ịganị-a, tẹ jike-a ḅẹlẹma ọ̀ ḅụụ emi, tẹ mịẹ-irima na oloko kan na wẹrịsoarị. Kụma ò gotẹ ḅẹrẹ-ḅarasii-ḅọ mẹ wẹrịso ḅẹ ye ofori, tẹ ḍapụ-na-iyingiapụ-na mịẹ asi ma gotẹ fomu-ḅara kẹ ịna awọmẹ na, taa-awọmẹ na, ile-awọmẹ na ọgọnọ gbanarị.’

Wa nwẹnị KỊNỊNYANAḄỌ ḅe ḅụụ-ḅẹlẹm ḅẹḅẹ, ọ̀ wa ọkị-ḅo mị ama mẹ ḅio suu ḅa, tẹ anị kẹ wa pịrị ḅa, anị ḅụụ-ḅẹlẹmatẹ iḅiọkụma fịye so-pakamarị amakiri mẹ.

Kụma ị̀ fịrịmẹnjịḅọ Kẹlẹbụ, ọ̀ sụa tẹmẹ kịrịm, tẹ ḅintẹ ḅara kẹ ì ḍukamẹnjịm ẹrẹsị, arị ori ọkị-ḅo ama mẹ ḅio suu ḅa, ama mẹ tẹ ọ̀ sọ-mu ama mẹ, anịsakị ọ̀ ḅụụ ḅụ paka-ḅo apụ anị nyana ḅa.

Ḍuko ịn pịrị yẹrị mẹẹ: ‘à ḍumo-sime wararị ogbo, à naarị ḅara tẹ in ḍuko ye mẹ anie à kẹ ịn mịẹ ḅarị ye

KỊNỊNYANAḄỌ ḅe nwẹnị Mozizi ḅẹẹ, “Mịna atomi ma ì ḍiki-sima mu tọ-sakị la ḅẹ? Yẹrị ini ogbo-ḅio ḅụ mịẹ tẹ ḅụụ-gbiripuma elekima mamgba ḅụ sọ, mu tọ-sakị la tẹrẹmẹ mịna atomi ma ì minini ḅẹ?

Izirẹlị ḅe apụ mamgba mbụrụmbụrụ Mozizi na, Erọnị na pịrịm; bebe tomina-ogbo mẹ ịn ḅẹẹm, “Mimgbe wa Ijiputi ama mẹ ḅụ sime tẹ fị ịya! Anịanịa, mimgbe wa ịkpa mẹ ḅio sime tẹ fịị ya!

Tẹ Jọsụwa, Nọnị owiḅọtụḅọ ḅe na, Kẹlẹbụ, Jefune owiḅọtụḅọ ḅe na tẹ inima tẹ ama mẹ ẹnyẹ-apụ ma ogbo-ḅio sime apụ ma nwẹnị ịna akapa kan, tẹ Izirẹlị ḅẹ tomina-ogbo mẹmgba ḅẹẹ, “Ama mẹ tẹ wamịnị mẹnjị-toluḅọrọ tẹ ẹnyẹ ama mẹ anie iḅi ḅụratẹ ama.

Kụma tụkụma ḅara ḅụ, à ḍumo-sime wararị ogbo tẹ KỊNỊNYANAḄỌ ḅe ebube tomikiri mẹmgba ḅin ḅarị ḅara ḅụ, tomi ma tẹ ì ebube mẹ na, ị̀ elekima ma tẹ arị Ijiputi ḅụ na, ịkpa mẹ ḅio na kọrị aị ma ẹrị, tẹ anịsọ mịna oyi asakị ma kẹ ị̀ daaḍiki, tẹ ị̀ pọkọ poki tẹ mịẹ-a apụ ma ḅẹ gbọrụḅọ sọ, ama mẹ tẹ à kẹ ịna aḍapụ pịrị ḅẹ tẹ ye karị ḅara kẹ ḍuko ama mẹ ẹrị ḅẹ ḅọ ofori anịsakị inima tẹ ì ḍiki-sima apụ ma ḅụ gbọrụḅọ sọ anị ẹrị ḅịa.