Popular Bible Verses from Luku 6

Share

Ó ye ḍie ja apụ pịrịị, Tamụnọ sọ ye ḍie ọ́ pịrị ḅa. Tomi-juḅẹye, ó ḅintẹ ḅara nyana ḅa, ḅara sarasara lama tẹ ḍiepịrịye ịn nwẹn kẹ ọmịna aḅara kuḅu sara ḅa, ọmịnị inetẹ ọlọ ḅẹ ḅara anie Tamụnọ kẹ sụa ọ́ pịrị ḅarịye. Ọ́ kẹ ye tọn sụa jen-apụ pịrị ye ḍụḅa la ḅara, anie Tamụnọ ḍiki tẹ tọn sụa ọ́ pịrị ḅarịye.”

Iḅi tomḅọ mḅọ ḅioḅẹngbọ koko wararị iḅi aị ma ḅụ iḅi aị pakama-ḅoarị; si tomḅọ pịkị mḅọ ḅioḅẹngbọ koko wararị si-aị ma ḅụ si-aị pakama-ḅoarị. Kẹ gotẹ ọkọ ḅẹẹarị, ḅioḅẹngbọ mẹ ḅio ḅin wararị aị ma mie ḅịḅị mẹ ḅụ paka-ḅoarị.

Gbala-gbala! Si kẹ ị́ tọn apụ ḅẹlẹma, tẹ iḅi kẹ ịn mịẹ; ye kẹ kịnị ḅọlọ, tẹ ịn pịkịma ḅo tẹ anị kẹ ị́ pịrị ḅẹ gbọrụ ḅọkọ sọ nwẹn kẹ ḅio tọnma. Ọkọ rẹ mie ọmịnị opu gbẹẹ-ye nyana tẹ pịkị Geletẹịn Tamụnọ ḅe awọmẹ sọ ḅarịye. Kẹ gotẹ ọkọ ḍukoarị ye, ori iḅi mẹ mu ịmịẹtẹ ḅẹẹ ḅẹẹ-a apụ na, si-sịḅịḅio-sụapụ na sọ laarị.

Ọmịnị ọkụrụkụrụ nyana tomi pịrịị, anie ọmịna Ḍaḅọ ḅe sọ ọkụrụkụrụ nyana ḅara.”

“Ọ́ jen-apụ ḅụụ si ḍọkị ma, Tamụnọ sọ ọmịna ḅụụ si ḍọkị ḅịa. Ó jen tomḅọ si fama tẹ ḅẹẹ ma, Tamụnọ sọ ó si fama tẹ kẹ ọ́ ḅẹẹ ḅịa; ó si-wẹrịso ja apụ pịrịị, Tamụnọ sọ ọmịna si-wẹrịso ḅa.

“Kụma à ḍuko ọ́ pịrịarị, ọmịnị ì pokiarị apụ: ó si kẹ ọ́ tọn apụ ḅẹlẹmaa, tẹ iḅi kẹ ó ḍiki-ḅioḅuarị apụ mịẹ, ó siye karị ọ́ pịrịarị apụ bomaa, tẹ tẹkẹ si ḅara kẹ ọmịnị na mịẹarị apụ pịrịị.

Í ḅiiarị ja apụ mịẹ ị́ pịrị ḅẹ ḅara sọ ọkọ mịẹ ịn pịrịị.”

Gbọrụḅọ ị́ amgba gbọrụ pakịrị anga ḅọrọ ḅẹḅẹ, yee mḅọ pịkị osi pakịrị sọ ḅọrọ; gbọrụḅọ ị́ sụa wararị ọgọnọ ḅẹ kapa siin-ọkị-ọkii, yee mḅọ pịkị suku-ḅio ḅẹ ye sọ kẹ sụa ọkị. Ị́ ḅara ye ḅiiḅọ-ḅiiḅọ mḅọ pịrịị; tomḅọ í nye ọkị-ọkịị mḅọ ḅara anị ḅii ọkị ma.

“Obi-a sịn si mgbọlụ sụa-sụa-a, anie obiarị sịn pịkị iḅi mgbọlụ sụa-sụa-a ḅara.

Sịn sụarị mgbọlụ mie tomi kẹ anị lekiriarị ye; nangị asịn ḅụ í ịla mgbọlụ kaịn ḅịa, anie pịkị agarara ḅụ ini eleleinda kaịn ḅịa ḅara.