Popular Bible Verses from Luku 4

Share

“KỊNỊNYANAḄỌ ḅe Tẹmẹ ḅe ị̀ ọgọnọ emi, ori ị̀ sẹlẹ-ọkị tẹ àrị iḅi-oku mẹ ḍuko igoin-apụ ma pịrị ḅẹ ẹrẹsị. Ori ị̀ fịrịmam à mu ḍuko kun-ḅara ḅio sime apụ ma pịrị mịnẹ ịn paka-ḅo ḅa, pịkị tọrụngbọ pụụn tẹ apụ ma ḅẹẹ mịnẹ ịn ye ẹrị ḅa, ja apụ ponomarị apụ ma sọ pụkọ-pakaḅo ḅa. Tẹ pịkị kpo-kpo gbolo tẹ inweni-mgba naa, mịnẹ sakị mẹ la tẹ, KỊNỊNYANAḄỌ ḅe ori atomi ḅọrọma ḅẹ sakị mẹ.”

Jizọsị nwẹnị pakịrị: “Fịafịa Ḍiri mẹ ḅẹẹm, ‘Ị́ Nyana Tamụnọ ḅe ngẹrị mie í sunsin pịrị tẹ pịkị fịrịmẹnjị pịrị ḅarị ḅọ!’ ”

Kụma Jizọsị pakịrịm, “Fịafịa Ḍiri mẹ ḅẹẹm, ‘Tomi inetẹ fịye ngẹrị fị tẹ ḍumo ḅịa.’ ”

Jizọsị Jodanị tọrụ mẹ ḅụ pịkịma som, Fịafịa Tẹmẹ ḅe ọ̀ ḅụụ sọ ḅin wararị ḅara ḅụ. Tẹ Tẹmẹ ḅe nwẹnị ọ̀ kẹ ịkpa ḅio mu.

Kụma Jizọsị nwẹnị pakịrị, “Fịafịa Ḍiri mẹ ḅẹẹm, ‘Ị́ Nyana Tamụnọ ḅe daaḍiki ma.’ ”

Ekwesu ḅe kịrị-kịrị ḅọkọ kẹ Jizọsị daaḍiki fama tẹso, ọ̀ nwẹnị anị sakị mẹ kẹ ọ̀ wẹrịso.

Anịtẹso Ekwesu ḅe mịẹtẹ Jizọsị iwo gele yọ mum tẹ tọrụ gbaịn finji ḅụ tomikiri ḅẹ asịẹ mamgba kẹ ò ḍie famam. Tẹ Ekwesu ḅe nwẹnị ọ̀ ḅẹẹ, “Mị kụrọ mẹmgba na mị ebube mẹmgba na à kẹ ị́ pịrị ḅa; arịmgba ịn saḅama ị̀ pịrị tẹẹ. Àrị inetẹ kẹ à ḅii ḅọ ḅii ḅọ pịrị ḅa. Mie-mẹmgba í nye sọ ḅa, ị́yẹrị paa sunsin ị̀ pịrị kụma.” Jizọsị nwẹnị pakịrị: “Fịafịa Ḍiri mẹ ḅẹẹm, ‘Ị́ Nyana Tamụnọ ḅe ngẹrị mie í sunsin pịrị tẹ pịkị fịrịmẹnjị pịrị ḅarị ḅọ!’ ”

Anịtẹso Ekwesu ḅe nwẹnị mịẹtẹ ọ̀ Jeruselemu mum, tẹ Tamụnọ-warị mẹ ḅụ geletẹịn anga ḅụ sịẹsimem. Ọ̀ nwẹnị Jizọsị ḅẹẹ, “Ị́yẹrị Tamụnọ Tụḅọ ḅẹḅẹ, mịanga sime tẹ ḍosi-koroo. Fịafịa Ḍiri mẹ kọkọ ḅẹẹ wararị, ‘Tamụnọ ori enjẹlị apụ ḅẹẹ tẹ ini í ḍikiḍiki kpaịnma ḅa.’ Anị pịkị ḅẹẹ wararị, ‘Ini í dogi ḅa ịna aḅara ḅio ḅụ, ḍụḅarị ma sọ ị́ aḅụọ bịan tẹ ye ị́ la ḅịa ḅara.’ ” Kụma Jizọsị nwẹnị pakịrị, “Fịafịa Ḍiri mẹ ḅẹẹm, ‘Ị́ Nyana Tamụnọ ḅe daaḍiki ma.’ ”