Popular Bible Verses from Lẹvitikọsị 26

Share

Àrị ọmịna ogbo-ḅio sime tẹ ọmịnị na mẹnjị ḅa, tẹ ọmịna Tamụnọ sọ ḅa, tẹ ọmịnị ị̀ atomi sọ ḅa.

anịrẹ arị ọmịna eene kẹ ọ́ fịrịma ḅa arị koro-koro sakị ḅụ, tẹ kiri mẹ anị ḅẹ tọnwa aị ma pakama-ḅo, tẹ piri-ḅio-ḅẹ opu asịn ma tọnwa ḅara kẹ ịna asịnmgbọlụ sụa ḅa.

“Ọ́ nwẹnị ì oloko kẹẹ-koro wararị aị ma ḍiki mẹnjị, tẹ à tọn aị ma mịẹ ḅẹ tẹ kẹ elekima sụa ḅẹḅẹ

“Ama mẹ ḅio à dein pịrị ḅa, tẹ ọ́ ḅọlọlọ sime ḅa, anịsakị gbọrụḅọ-sọ mịẹtẹ ọ́ ḅalafa ma. Ama mẹ ḅụ piri-ḅio-ḅẹ si anama ma arị ịn sikima fama ḅa, tẹ okologie mẹ ọmịna ama ḅio ḅọrọ tolu ḅịa.

Anịsakị arị ọ́ kẹ ye-sịn, tẹ ọ́ mịẹtẹ ọmịnị awọ iyi sara tẹ mịẹtẹ ọ́ kama ḅa.

Yẹrị anie KỊNỊNYANAḄỌ ọmịna Tamụnọ ḅe tẹ Ijiputi ama mẹ ḅio ọ́ pakama-ḅo ḅọ ḅee, mịẹtẹ ọmịnị ịna omoniapụ sọ ḅịa ḅara anịsakị arị ọmịna kọngọ ḅụ ẹngbẹsẹ sime iku sịn mẹ anyịma sin tẹ ọ́ mịẹtẹ ọ́ tụkụ tẹ mẹnjị tẹ.”

À nwẹnị ọmịna ogbo-ḅio ị̀ anga yọ pakama ḅa tẹ àrị ọ́ sịkị ḅịa.

“Ọ́ sịḅị-tuu arị pịrị ḅẹ ḅara kẹ gbọrụ kpokobia sọ kara, anịanịa gbọrụ ye na kịkaye tẹmẹ anịanịa ịḅalị saakị sịẹma ọmịna aḅụụ pịrị ma, pịkị ye kịka ḅara sime ḍụḅarị tẹlẹma sịẹma ma; kẹ gotẹ ọkọ ḅẹẹarị, Yẹrị anie KỊNỊNYANAḄỌ ọmịna Tamụnọ ḅee.

Tẹ ó koko alama tẹ elemu ye koko anga ḅụ sime ye fị ḅa, anịsakị ọmịnị elemu sime ye sin fama tẹ ḅio ḅelema ịwọye pịrị ḅa.

Ọmịna aḅụụ ḅẹ sọnọ apụ kịnị sọnọa si ḍuka ḅa, anịsakị ọmịna aḅụụ ḅẹ kịnị sọnọa si, kịnị puku sọnọa ẹndẹ finji (10,000) ḍuka ḅa, anịsakị ọmịnị na fịya-a apụ ọmịna tọrọkọ okologie mẹ ḅụ ḅịkị ḅa.

Ọ́ paa mbịaka soku-sokutẹ arị ḅẹ mgbọlụ sẹlẹ nwenii mu iru mịẹ girepu asịnmgbọlụ kobiri sakị la ḅa, anịsakị girepu asịnmgbọlụ ma ó kobiri nwenii mu jen fịye ḍiḅi sakị la ḅa. Anịsakị ọmịnị ọmịna fịaị fị furo ḅinma tẹ gberie-sọ ḅụụ la-a ḅara kẹ ọmịna ama ma ḅio anga ḅa.”

Ọmịnị ọmịnị na fịya-a apụ ḍuka ḅa, tẹ ini ọmịna tọrọkọ okologie mẹ ḅụ ḅịkị ḅa.

Ọmịnị ị̀ Ịnyọsara-Ene ma koko, tẹ kụn kẹ ị̀ Fịafịa Yọ mẹ pịrị ḅa; Yẹrị anie KỊNỊNYANAḄỌ ḅee.”