Popular Bible Verses from Jọnị 19

Share

Jizọsị iru mẹ ḅuu tẹso, ọ̀ nwẹnị ḅẹẹ, “À kọrị fama tẹẹ!” Anịtẹso ọ̀ nwẹnị sịḅị-tuu tẹ fịị.

Anị sakị mẹ ḅụ Jizọsị ḅo nimi tẹ mịnẹ ó tomikiri kọrị ḅẹ ḅo kọrịnama goyegoye kọrị fama tẹ ḅẹ sakị, mịẹtẹ Fịafịa Ḍiri mẹ ọ̀ ḅụụ ḍuko ye, ḍuko ye paka fama ḅẹ ẹrẹsị, ọ̀ ḅẹẹm, “Minji ị̀ pọkọ-tarịarị.”

Jizọsị nwẹnị ò iyingi na ori ḅẹlẹmarị tẹ ó ḍukamẹnjịarị ḅọ ḅe na ẹrị ịn sịẹ wararị, tẹso ori ò iyingi ma ḅẹẹm, “Ḅie anie ị́ tụḅọ-o.” Anịtẹso ọ̀ pịkị ò ḍukamẹnjịḅọ ḅe ḅẹẹm, “Árị anie í iyingi-o.” Anị sakị ḅụ mie ò ḍukamẹnjịḅọ ḅe á kẹ so tẹ á saakị ọ̀ warị-anga ye.

Kụma ịn ḅo Jizọsị la sakị ini ẹrịm ori ọ̀ fịị koro tẹ, mie ḅụ ori aḅụọ ini anyịma-a. Anịsọ, ọmụapụ ma ḅẹ gbọrụḅọ nwẹnị ḅẹkẹrẹ kẹ Jizọsị agaga temi suu, tẹ anị gbọrụ kiri ọmbie na minji na nwẹnị ọsụma paka-ḅo.

Miemẹ gotẹ mịẹ ye Fịafịa Ḍiri mẹ ḍuko ye paka ḅarị ḅara: “Ori mgbe ma ḅụ in gberie-sọ anyịma ḅịa.” Tẹ Fịafịa Ḍiri mẹ pịkị jen pakịrị ḅụ ḅẹẹm: “Tomi ịn ḅẹkẹrẹ kẹ temi ḅọ ḅe ḍiki ḅa.”

Ori nwẹnị ḅarana ini ọ̀ kẹ ḅakụ ḅẹ ẹngbẹsẹ-sịn mẹ dogi ama mẹ ḅio pakama tẹ mẹnjị “Arịapụ sịḅịkọ” nwẹn-sịn anga mẹ mu. (Hiburu ḅịḅị ḅụ ini anị sịnm “Gọlịgọta.”)

tẹ ọmụapụ ma nwẹnị nangị sịn aḅara kẹ ejikila anda tẹ kẹ amada-sun tọnma tẹ kẹ ò sure; tẹso ini awụ kapa kẹ ọ̀ sụa