Popular Bible Verses from Paka-so 5

Share

Mị sakị mẹ ḅọrọ tẹso, Mozizi na, Erọnị na nwẹnị Fero dama-mu tẹ ḅẹẹ, “Mị-ḅara mie KỊNỊNYANAḄỌ ḅe, Izirẹlịapụ tẹkẹarị Tamụnọ ḅe ḍuko yee, ‘Ị̀ atomi wẹrịso in so, mịẹtẹ ini ịkpa mẹ ḅio kopini afịaị sọ tẹ alalị fị ị̀ pịrị ḅẹ ḅara.’ ”

Kẹ gotẹ ọkọ ḅẹẹarị, àrị ị́ ẹrẹ ḅụ ḅo ẹkwẹn Fero pịrị kụra-ḅio, siye mie ọ̀ kẹ mịna atomi ma mịẹarị ye, tẹ ị́ gbala-gbala ị́ atomi ma ḍụa-ḅọrọma-a.”

Anịtẹso Mozizi nwẹnị sin pịkị KỊNỊNYANAḄỌ ḅe da, tẹ ḅẹẹ, “Yei KỊNỊNYANAḄỌ, í tiegotẹ ị̀ kẹ fịrịma?

Kụma Fero nwẹnị ḅẹẹ, “Anị KỊNỊNYANAḄỌ ḅe anie tụḅọ, tẹ arị pọkọ poki tẹ Izirẹlị wẹrịso tẹ ịn so ḅẹ? KỊNỊNYANAḄỌ ḅe arị ò nimi-a, anịsakị anie sikima, à ḍụkụ tẹ Izirẹlị so ḅịa.”

Kụma biriki kịẹn-ḅịḅị tẹ tarị ịn tẹmẹ-tẹmẹ ḅara mẹ ọ́ nwẹn kẹ ịna ọgọnọ gbana ḅa, ó gotẹ anị ḅụ ye sin ḅẹ ye ofori, kẹ gotẹ ọkọ ḅẹẹarị, ịn kọrị ḅẹ kọrịnama ofori, anie mie ịn gotẹ owuarị àrị in wẹrịso tẹ in mu agba mịẹ ịna Tamụnọ pịrị. Yee iku tarị ḅẹ kọrịnama nẹngị kọrịnama ini ọgọnọ gbana, mịẹtẹ ini anị ḅụ sime tẹ kụrọma kọrịnama kọrị tẹ ḅarị iruo ẹkwẹn-aḅịḅị kẹ ye-sịn ma.”