Popular Bible Verses from San Marcos 4

Share

A̱nda̱ já na̱ndaco̱o Jesús ta na̱casáhá jána̱ni a ta̱chi̱ xi̱hín tañu̱hú viti já cáchí a̱ já: —Catáji̱ ndo̱. Já na̱jáya̱a̱ ta̱chi̱. Já na̱cando̱o táji̱ níí mé cán. A̱nda̱ já na̱cachi Jesús xi̱hín na̱ xíca tuun xi̱hi̱n á: —Ndáva̱ha na̱yi̱hví na̱há ndo̱. Ndáva̱ha co̱ cándeé ini ndó ye̱he̱ —na̱cachi a.

A̱ ju̱ú quia̱hva na̱yi̱hví mé na̱ cán já na̱casáhá cáha̱n xi̱hi̱n táhan na: —Ndá da̱ cúú da̱ta̱a yóho ña̱ ja̱nda̱ ta̱chi̱ xi̱hín tañu̱hú cándúsa nu̱ cáha̱n da̱ —na̱cachi na̱ cán.

Ta chí xoo ja̱ta̱ mé barco cán cándúhu̱ Jesús quíji̱ a̱ ta cánúu ji̱ni̱ á ja̱tá ña̱ yíhi ji̱ni̱ ná. Já na̱jándacáxí ini na mé á ta cáchí na̱ já xi̱hi̱n á: —Maestro. Chí co̱ sáhní a̱ mé á ña̱ cúni̱ ndihi sa̱ha̱ yo̱ jáchi̱ sáco̱o barco ca̱há ticui̱í cua̱ha̱n do̱ —na̱cachi na.

Ta cáchí tucu a já xi̱hi̱n ná: —Cande̱hé va̱ha ndó ña̱ taa jo̱ho ndó. Tá quia̱hva cája ndó xi̱hín ña̱yivi quia̱hva já caja Ndióxi̱ xi̱hi̱n ndo̱ joo chága̱ ví caja mé á xi̱hi̱n ndo̱.

Ta cáchí tucu Jesús já: —Tá ndíquia̱hva ña̱yivi mé ná ndáha̱ Ndióxi̱ ña̱ ná cacomí a̱ cuéntá sa̱ha̱ ná já cúú á tátu̱hun in da̱ta̱a na̱chihin tata. Tá na̱ndihi yáha qui̱vi̱ ta quíji̱ da̱ ta ndáco̱o da já yáha qui̱vi̱ xi̱hín ñuú. Ta já ndúta̱ mé tata cán ta sáhnu a joo mé da̱ na̱chihin a cán co̱ xíni̱ da̱ ndaja sáhnu a.

Na̱ íin jo̱ho, ná cuni jo̱ho na —na̱cachi a.