Popular Bible Verses from Ịmaakị 2

Share

Ịjị Ijeesu maanị wụ́, dị ọ kà a yị wa ka, “Ịsa ọ̀ yị zị ọza, o mē sì ọmahọnọ. Ọza ọnị ịsa aa zị kẹnẹ, oō sì ọmahọnọ nị. Agụvị avọọ mẹ yị vẹ ka ma hị́ ọnịrẹyịzẹyịza, ẹ̀ yị vị ka ọnịvị nịnị è ro ịnẹ varẹma.”

Ịjị Ijeesu re ka ệ sị ayị tụra ọnị, dị ọ kà a yị oswẹngụ ọnọọ ka, “Ozi, ma raà vagu wu ịnị ịvị awụ.”

Dị Ijeesu rẹ kà a yị wa ka, “Ohomorihi ộ mẹ̀ ẹkụhị ụhwọtụ agụvị aza; ọ́ yị mẹ aza agụvị ẹkụhị ụhwọtụ.

Ẹnịnị ẹ yị nyẹngụ sị oswẹngụ ọnọọ tù ịzị Ijeesu yà, agụvị ka aza ẹ sị rụrụ baaba. Ệ sị ọọ hịrẹ ịrẹsụ irehi ọnọọ. Dị ẹ chị obooro oni Ijeesu yà nị. Ịjị ẹ sị ọọ chị ta, di e chí odooro oni oswẹngụ ọnọọ hụtụ ịnị anị hi ẹtẹ nị.

Ama mee sì ka wa yẹ nịnị ka ẹmị Ozi ọza onigirima ộ nyị ụkata ọyịvagu ọza ịnị ịvị anị ịnị ẹhẹ ọnọnị. Dị ọ kà a yị oswẹngụ ọnọọ ka: “Ẹma kà a yị wụ nị: Kwẹẹtẹ, sị odooro awụ, dị ụ waa nọ eehi awụ!”

Ye re ana rọ hu, ọyịkà yị oswẹngụ ọnọọ ka â vagu ọọ ịnị ịvị anị, à vị ka à kà a yọ ka ọ̀ kwẹẹtẹ, dị ọ̀ sị odooro anị, dị ọ̀ zị ụsẹ?”

Obooboro ọnọọ, dị ọ kwẹẹtẹ, dị ọ sị odooro anị, dị aa na éyi avaba ẹnịnị nị. Ô hí avaba aza ẹnẹẹ irenu ẹtẹẹtẹrẹ, dị ẹyaa sị ụgaa yị Ohomorihi nị. Dị ẹ ka, “Yẹẹ̀ yị maanị re da.”