Popular Bible Verses from Imatiwu 7

Share

“Wee họ̀ use ịsa nịnị ka a vaa sịị yị wụ nịnị! Wee sì ịsa nịnị ka u vee re e nịnị!

Agụvị ka avaba aza ene èe họ̀ use ịsa, aā sịị yị wa. Ọza ene èe sì ịsa, oō re e; ọza ana àa rẹ sị ụvọ ká oze, a vaa na oze yọ.

“Agụvị avọọ ọza tụra ọza ana àa wụ́ ịrẹyị amị ẹnẹnị, dị ọ rẹ mẹ̀ ịsa ọnị mị kà nị, vị ana vaa sị mẹẹ anka ọyẹrẹyị ọnya aanị ana dà irehi anị tụ́ ịrẹsụ ịda.

Avaba ịsị u wèe sì ka ọza ọ̀ mẹ hi wu nịnị, ẹwà rẹ vavọọ mẹ̀ ẹ hi wa! Iruvo ọda ọnịrị ịrẹyị ọnịsẹ nịnị ọ vị ọnọọ nị.”

Oze ana aa sị ọza naa ngụ ịzị ọza yàā yà ịda Ohomorihi pooro zịna-zịna, ộ hana, oze anị aa dẹẹrẹ aanị. Aza chee aanị e ree nị.”

“Zị oze dẹẹrẹ ọnọọ ngụ eehi nịnị! Agụvị ka oze ana na ngụ ịzị aza yàā vu ẹtẹ, ộ gana, oze anị aa ba mị ba mị aanị. Aza ana zị oze avọọ ệ rụrụ ẹtẹẹtẹrẹ.

Ẹwụ nịnị ana vị aza edivi, wàa yẹ ka áa vọrọ ka wa sị ịsa ọyịza yị ezi ewu nịnị; ụ mẹmẹ va yẹ ka Ada awụ nịnị ẹbẹẹba ọ yị vaa sị ịsa ozoza yị aza ana aa họ̀ ọ use?

Dị Ijeesu rẹ ka, “Asị ụ sị ẹngụ awụ vị ọmọkarẹyị ọza, agụvị asị Ohomorihi mẹ̀ ọkarẹyị wụ! Ẹngụ ọkarẹyị ọnị ụ wàa mẹ yị aza, Ohomorihi rẹ vaa mẹẹ yị ẹwụ nị. Ịsị ụ wàa sị mọ ịsa yị ọza, a rẹ vaa sị mọọ yị wụ nịnị nị.

Ọza tụra ọza ana àa rẹ wụ́ ịrẹyị amị ẹnẹnị dị ọ̀ yị mẹ ịsị mị kà nị, vị ana vaa sị mẹẹ anka ọnụra ọnya aanị ana dà irehi anị tụ́ ịrẹsụ aarẹ.

Sị ẹ vẹ di u wee re ẹchịchị ana yà ini eyi ọhụva awụ, dị ụ wẹ̀ yị tẹsị ọvọọvọrọ ana yà ịnị ẹ́ẹwụ? Wâ zụ kà a yị ọhụva awụ ka: ‘Jẹẹ ma sị ẹchịchị hụụnị eyi awụụ wụ,’ ịrẹma ọnọ ọvọọvọrọ ọnị yà ini eyi ẹwụ?

“Sị eyi pe ẹngụ awụ nịnị agụvị ọnịsẹ ireche nịnị. Ẹẹ̄ sị ịtụmpaha atẹmẹẹ kú ẹngụ, ama ịnịnẹ ẹnịnị, akatapooro odivi ẹ vị nị. Ebira ẹnẹ ẹyaa mẹ, ụ vaa sị yẹ wa nị. Ọza ọ́ọ́ zụ há osinkara hụrẹ ịrẹsụ ọchị agagana? Wáá rẹ zụ há ezu hụrẹ ịrẹsụ ọchị ikeyi-ikeyi?

Ọchị ozoza vị anaā tụ́ ẹtụtụ ozoza. Ama ọchị ọnị ụkụ za vị anaā tụ́ ẹtụtụ odivi.

Ọchị ozoza ọ yị zụ tụ́ ẹtụtụ odivi, avọọ ọchị ọnị ụkụ za ọnị ọ̀ yị mẹ̀ rẹ zụ tụ́ ẹtụtụ ozoza nị.

Avaba ọchị ẹnẹ ẹ̀ yị tụ́ ẹtụtụ ozoza vị anaa vaa má, di e nee ngụ ịra.