Popular Bible Verses from ALA IROM 2

Share

Ee lẹ, ẹnwa oligu nyam ọlẹng, ọlẹ ká wẹẹ ya eje wu angị ịkịla u-uhye nya ang inyibyi ịhọhọ ịlẹ kaahụ ayịdang tịtị wẹẹ họ ịnyịnyị wẹ lẹ, a ya kaahụ ayịdang ka jẹ́-ẹ be hi ẹpwụ nya eje owuwu nya Ohe Oluhye myị́ kpong-kpong? Lee, ụdụ nya ahyẹẹrwẹrwa nya Ohe Oluhye bala ujiji nya ọhịnyọhi nyamwụ bala ugbodu ojuju onyudiyo nyamwụ ọlẹga nya angịnyị ehe, a tị́ mwọọgịlẹ wẹẹ yẹhị da bwee? Lee, á tị́ jẹ́ yẹkẹẹ, ang odudu ká Ohe Oluhye nyị kaa yẹ angịnyị ahyẹẹrwẹrwa tata ịnyị, nyị ri chajị kaahị angịnyị ehe nyị ka yẹ irya da bwu ẹpwụ nya ịhọbịrị ịhọhọ nyahị ka?

Ẹnwa oligu nyam ọlẹng, ahụ ọngọlẹ ká wẹẹ la angị ịkịla eje, juwa ya eje waa u-uhye nya ang onyobyi ọhọhọ nyaa wẹẹ! Aa ri ọng myị́ ọng riri aalẹ, ahụ ayịdang á be hi ẹpwụ nya eje owuwu nya Ohe Oluhye kpong-kpong ka. Chajị, ahụ ayịdang wẹẹ họ ụma nya ịhọbịrị ịịwa ịlẹ ká wẹẹ ya eje wu angị ịkịla u-uhye nyaa ịnyịnyị.

Chajị, Ohe Oluhye ayịdang á ri Ọngọlẹ kọ kaa chị oku nya ẹla ha ọngọhẹ hiigu gụ ọngọkịla datị ẹ-ẹpwụ nya eje ọlala nyamwụ kpong-kpong ka.

Chajị, angịlẹ kị juwa kpa ụrụ nya ịlaa kem wo ehile ọọwa, Ohe Oluhye á kaa waa nya alabwẹla ọnyịịla ị-ịlahị nya ịlọmwụ ka. Ma, angịlẹ wuu kị kaa họ ehile ọọwa jịra, Ohe Oluhye a kaa wa nya alabwẹla ọnyịịla ị-ịlahị nya ịlọmwụ wẹẹ lẹ.

Chajị, ẹnụtụrụ ọọwa kpangga, Ohe Oluhye a ka nwụ angịnyị ehe wuu uri kwiwa nya ang myị́ ang ọlẹ wuu ká ọng myị́ ọng lẹẹ họ ẹ-ẹpwụ nya odehe ọlẹ pyii lẹ.

Ma, ẹ-ẹga nya angịlẹ ká irya nya ụbwọ nya ịlaa ọhọhọ kem, a kaa háa lụmẹ, du kị myị ju ihi nya ẹla nya ịlẹhị nya Ohe Oluhye kpong-kpong kaka. Ma, ọkọkọ nya ọọwa lẹ, ká ihi nya abwẹla onyobyi ọhọhọ kem, ị kaa ju lẹ, agbama bala ikẹjẹ-awụrụ nya Ohe Oluhye oluhye nya ọhọbịrị nya angịnyị, a ka ri uri nya angịịwa ụka ọọwa ịnyịnyị lẹlẹ.

Ma, lẹẹlẹẹ lẹ, bwula ọlẹ ká wẹẹ ba irya nya egbeju ọnyọọngịrị nyang bala ihi ojuju ka, ẹ-ẹga nya Ohe Oluhye jẹ kem lẹ, a juwa tụ ila nya akama ọyẹyẹ ọtụka ju gbe ịlọng, lụka ọlẹ ká Ohe Oluhye ka chị agbama nyamwụ ehe jahị da alọhọbịrị, bwula eje ọlala nya abwẹla ọnyịịla nyamwụ la ẹnụtụrụ ohyẹẹkpẹ pyii lẹ.