Popular Bible Verses from ILUKU 21

Share

Ma, anụ́-ụ cheri kanụ juwa gbe eji giri-giri ụka myị́ ụka wuu, kanụ juwa raabwọ ha Ohe Oluhye chajị kanụ ka ye ọngịrị ọ-ka kpa kụrụ ang ịlẹ wuu kị juwa ka họ jịra wuu ị-ịlahị mẹ. Kanụ ka godayị kpakpakpa gbee pwụ ụka nya ọwẹwẹ nya Ọnyị nya ọngịnyị ehe ọlẹ ịnyịnyị mẹ.”

IJisọsị myịmyị byaa yẹkẹẹ, “Anụ kpahị ju ịlọnụ ọgwọgụ, kanụ myị ká ang oriri kpoye nya oyi bala ere ọnwanwa juwa ya bala imahị nya ang-abwọ nya ọhịhị ọlẹ wuu, a hu ọkịlẹtụ okpenyi hanụ kpong-kpong ka! Ó-ri ịnyị ka aalẹ, ẹnụtụrụ ohyẹẹkpẹ ọọwa ka warị chịnụ ọgụ lụka ọkpahị ju ka, jaabwọ ká iyo ọlẹpwamẹ kaa kpa ịlọmwụ kaka wu ọnya!

U-uhye nya ugbodu ojuju nyanụ ọ-kpa pwụ ọbaba, ọchịda nyanụ ọ-ka wu ọyị myị́, a do pịlẹ lẹlẹ.”

Chajị, am ayịdang ka ya ọnụ o-ya ẹla myị́ hanụ bala ẹla ọjẹ́jẹ ọlẹ ká ọngọngọhẹ nya aluji nyanụ á ka godayị gbe myị́ ka lee ọ-ka jẹ́-ẹ la eje, ọọ kụrụụnụ myị́ kpong-kpong kaka.

Uhye-ọgba nya epwoohe bala odehe ọlẹ ka chịpwụrụ myị́ wẹẹ. Ma, ẹla ọlọnụ nyam am ayịdang á tị ka chịpwụrụ kpá ẹnẹnẹhẹ kaka.”

IJisọsị myịmyị byaa yẹkẹẹ, “Ụka ọọwa, ang i-ju ẹjẹẹ la datị-datị ka họ ẹ-ẹga nya ẹnụ bala ẹ-ẹga nya ọya bala ẹ-ẹga nya ịdịchụ iluhye-ọgba ịnyịnyị. Ụka ọọwa, odehe ka myị la ang ọjụjụ ọtụka. Alepwoja myị́ epwoja wuu ka juwa gu ugbodu ene ọtụka-ọtụka. Chajị ụka ọọwa, ihu ịtụka-ịtụka ka juwa hi ọmọnyọ nya ịlẹhị-ịlẹhị bala igbachịwụ ọtụka ịlẹpwụ nyaa. Ụka ọọwa, ịngịrị myị́ ịngịrị oluhye-ọgba nya epwoohe ka hụ́ jigi-jigi. Ọọwa lẹ, uhi ojuju bala uko ọchịchị nya ang ọlịlahị ọlẹ kọ juwa ka họ odehe ọlẹ, a ka chị́ angịnyị ehe wuu enikpi ịnyịnyị lẹlẹ. Ọọwa lẹ, alodehe ọlẹ a ka chẹhị kaka yẹ Ọnyị nya ọngịnyị ehe ọlẹ kọ ka hi ehe bwu ẹpwụ nya egbamwụ, juwa warị la ọngịrị bala ẹbyẹbyị ọtụka nyamwụ lẹlẹ.”

Ụka ọọwa, anụ ka wụ angịnyị wuu ẹjẹ chajị nyọlẹ kanụ myị́ la ẹnyị nyam.

Ọpyị ọ-hụ́ jigi-jigi ọtụka-ọtụka ka juwa ụ-ụwa ẹ-ẹga la datị-datị. Imyi nya uhi ọtụka-ọtụka ka nwụ ju ka ẹga la datị-datị ịnyịnyị. Ẹdụrụ nya ịdọlọ-dọlọ ka jụ angịnyị ju ka ẹga myị́ ẹga. Ụma nya ang iluhi-uhi la datị-datị ka ji ụka ọọwa. Ang i-ju ẹjẹẹ ịtụka-ịtụka ka hi ehe u-uhye-ọgba nya epwoohe ịnyịnyị.”

Ụka kanụ ka juwa wo oja nya ẹwụ ọlẹga la datị-datị bala uyawụ ọtụka-ọtụka la datị-datị, anụ juwa juhi, juwa hụ́ kpákpakpa ka. Chajị ang ịlịịwẹ wuu ka ji pyii lẹ. Ma, ụka nya ọmyịmyị nya odehe ọlẹ ayịdang kpangga á tị ka pwụ eji ahyaahị lụka ọọwa lẹka.” iJisọsị myịmyị byaa yẹkẹẹ, “Ụka ọọwa, alepwoja ọhẹ ka wuleji, juwa dẹwụ tụ alepwoja ọkịla pyịpyị. Alịpyị adịrahụ ọhẹ ka wuleji kaka tụ alịpyị adịrahụ ọkịla pyịpyị ịnyịnyị.

IJisọsị myịmyị byaa yẹkẹẹ, “Ụka ọọwa, ang i-ju ẹjẹẹ la datị-datị ka họ ẹ-ẹga nya ẹnụ bala ẹ-ẹga nya ọya bala ẹ-ẹga nya ịdịchụ iluhye-ọgba ịnyịnyị. Ụka ọọwa, odehe ka myị la ang ọjụjụ ọtụka. Alepwoja myị́ epwoja wuu ka juwa gu ugbodu ene ọtụka-ọtụka. Chajị ụka ọọwa, ihu ịtụka-ịtụka ka juwa hi ọmọnyọ nya ịlẹhị-ịlẹhị bala igbachịwụ ọtụka ịlẹpwụ nyaa. Ụka ọọwa, ịngịrị myị́ ịngịrị oluhye-ọgba nya epwoohe ka hụ́ jigi-jigi. Ọọwa lẹ, uhi ojuju bala uko ọchịchị nya ang ọlịlahị ọlẹ kọ juwa ka họ odehe ọlẹ, a ka chị́ angịnyị ehe wuu enikpi ịnyịnyị lẹlẹ.

iJisọsị myịmyị byaa yẹkẹẹ, “Ụka ọọwa, alepwoja ọhẹ ka wuleji, juwa dẹwụ tụ alepwoja ọkịla pyịpyị. Alịpyị adịrahụ ọhẹ ka wuleji kaka tụ alịpyị adịrahụ ọkịla pyịpyị ịnyịnyị.

IJisọsị wẹ byaa yẹkẹẹ, “Anụ́-ụ kpahị ju ịlọnụ ọgwọgụ, chajị ká ọngọngọhẹ a hụnụ ahị koo! Chajị ụka juwa warị ị-ịlahị ká angịhyẹ lụmẹ-lụmẹ ka warị la ẹnyị nyam kaka byi angịnyị ehe yẹkẹẹ, ịwa ayịdang kpakpakpa nyaa ri ịKịrayịsị ọọwa lẹlẹ. Ị ka myịmyị-ị̀ juwa yẹkẹẹ, ụka nya ọwẹwẹ nya ịKịrayịsị ọọwa nyị pwụ eji lẹ! Ụka kị ka juwa byinu ịnyị, anụ baa jẹ ka.