Popular Bible Verses from ỊJỌN 7

Share

Chajị ọng myị́ ọng ọlẹ kọ myị lam lẹ aalẹ, ihu nya enyi nya ọhịhị ka mwụ bwu ẹpwụ nya ọkịlẹtụ nya ọngọọwa kpehe, jaabwọ ká Ụpwụ Ịgọgọ ya ene-ene.”

Ịnyị, ẹnụtụrụ ohyẹẹkpẹ-ẹkpẹ nya ọjịra-jịra nya ang oriri ọọwa ọlẹ kọ baba gụ ẹnụtụrụ ịkịla wuu a warị lẹlẹ. Ịnyị, iJisọsị a wuleji godayị kọkọ ẹnụtụrụ ọọwa lẹ, ọ juwa ya ẹla gboo dodehe yẹkẹẹ, “Anụ angịnyị wuu, anụ wo mẹ! Ọng myị́ ọng ọlẹ ká imyi-enyi á juwa nwọọ lẹ aalẹ, ọngọọwa a warị wẹ ẹga nyam kaka ye enyi nya ọhịhị nwa mẹ.

IJisọsị ya ẹlẹwẹ dodehe ịnyị, chajị nya Olegu Ịgọgọ ọlẹ ká ọng myị́ ọng ọlẹ kọ myị lọọ lẹ, juwa ka ye. Chajị, ụka kọ ya ẹlẹwẹ dodehe lẹ, ị́ ya Olegu Ịgọgọ ha angị myị lọọ lẹka. Chajị iJisọsị ayịdang á gbu kpụ, ọ wuleji bwula igu, rụ ka epwoohe lahị-lahị lụka ọọwa lẹka.

Anụ kpa ẹla ẹkpẹ ookpokpo chị eje nya ẹla kpong-kpong jaabwọ kanụ juwa yẹ lẹhị kem ka. Ma, anụ dịrẹ ẹla ọọwa yẹẹyẹẹ ene kanụ ka kpa abwẹla ọnyịịla chị eje ọchịla-chịla u-uhye nyamwụ mẹ!”

Ọngọ myị ẹrụ ọnyị myị ọnyị ọlẹ kọ kaa juwa kpa ọngịrị nya ịlọmwụ kem ya ẹla aalẹ, ụmụmẹ nya ịlọmwụ kem, ọngọọwa a wẹẹ kpa dịnya lẹ. Ọngọ myị ẹrụ ọlẹ kọ tị juwa tịtọ nya ụmụmẹ nya Ọngọ doo ẹrụ kem tụbwọ aalẹ, ọngịnyị nya ẹla nya ịlẹhị ọngọọwa a ri lẹ. Aalẹ, ịngịngịhyẹ nya ọnọọkịla omeme á juwa ẹ-ẹpwụ nya ọngọọwa kpong-kpong ka.

IJisọsị wẹ byaa yẹkẹẹ, “Ẹla ọlẹ kam lẹẹ mẹjẹẹnụ lẹ, ó ri ang ọmẹjẹ nya ụbwọ nya ịlọm kpong-kpong ka. Ma, ang ọmẹjẹ o-bwu ẹga nya Ohe Oluhye Ọngọ dum ẹrụ warị ịnyị!

Anụ lẹ, ánụ ka jẹ́-ẹ wụ alodehe ọlẹ ẹjẹ kaka. Ma, am tị jam waa ẹjẹ, chajị nyọlẹ kam kaa bwuru ang onyobyi ọhọhọ nyaa apwụ dodehe wuu ya jaa.