Popular Bible Verses from ỌMWỤ ỌDADA 45

Share

Ma, anụ myị ká ọkịlẹtụ nyanụ a juwa ya eje wunu u-uhye nya ọọwa lẹẹlẹẹ kokoo. Anụ tị juwa wụ ẹjẹ ta awụlẹ, juwa kpụ awụlẹ abyị chajị nya ọọwa lẹẹlẹẹ kaka ịnyịnyị, chajị am ayịdang jẹ ká Ohe Oluhye lịlọmwụ a dum ẹrụ warị wẹ ọpyị nya ala Ijipiti jene nyanụ nyọka chịnụ da lụka nya imyi ọnwụnwụ ọtụka ọlẹ lẹ.

Lẹ, aanụ ayịdang à kpam warị wẹ ọpyị nya Ijipiti ọlẹ ka. Ma, Ohe Oluhye lịlọmwụ a dum ẹrụ warị lẹ. Lẹẹlẹẹ lẹ, Ohe Oluhye hum hụhụ wuu lala adịda nya iFero ayịdang alẹ lẹ. Ọ hum olegbeju nya ọdọdẹpwa nya iFero wuu lẹ. Ohe Oluhye myịmyị hum olegbeju nya ọpyị nya ala Ijipiti ọlẹ wuu alẹ ịnyịnyị lẹ.

Ẹla nya ịlẹhị ịnyị, Ohe Oluhye tọchị dum du ẹrụ jene nyanụ warị wẹ ẹgẹlẹ kaka nwụlanọ gbenu bala anyị nyanụ ịlẹ kị ka wo ẹnyị-ehe nyanụ odehe ọlẹ, chajị ká imyi ọnwụnwụ onyobyi ọlẹ á ka tanụ ayịreji gbanggbang kaka.

Ụka ọọwa, iJosẹfụ myịmyị byaa yẹkẹẹ, “Anụ tụ bam warị wẹẹ.” Ụka kị tụ bọọ kele, ọ myịmyị byaa yẹkẹẹ, “Am a ri iJosẹfụ ọlẹ kanụ wu ra gbee kị kpam pwụ ọpyị nya ala Ijipiti lala ọnyọhị lẹ.

Ẹka oheeye nya uhi ọtụka onyobyi ọlẹ a lẹẹ wẹẹ lẹ. Ọlẹ á tị ri ọhẹ-lọhẹ lẹka chajị ụka nya uhi ọwẹ hi lala ẹka ịrụ gbẹgbịlẹ, ene ká ang-ẹrụ ka há wẹẹ.

Ụka ọọwa, iJosẹfụ byi anyadamwụ ịwẹ yẹkẹẹ, “Am a ri iJosẹfụ ọnyadanụ lẹ. Anụ myị ká iJekọbụ adam juwa lahị-lahị ịnyịlẹhị wẹẹ?” Ụka ọọwa, anyadịda nya iJosẹfụ ịwẹ wuu ju uhi dapwụ hụ amẹ ị-ịlahị nya iJosẹfụ. Ọngọngọhẹ nyaa á ya ẹla bwu ọnụ nyamwụ myị kpong-kpong kaka.