Popular Bible Verses from ỌMWỤ ỌDADA 41

Share

IJosẹfụ wẹ byi iFero Adịrahụ yẹkẹẹ, “Ám ayịdang a kaa bwuru etu nya ụlaa ka. Ohe Oluhye ayịdang a ka bwuru etu nya ụlaa nyang ọọwa jeng, la ọgụ ọlẹ kọ ka wung ẹpwụ lẹ, Agaba Idu.”

Ụka ọọwa, iFero Adịrahụ byi alukido nyamwụ ịịwa yẹkẹẹ, “Anụ ya kahị ka ye ọngọngọhẹ ọkịla chụ dala iJosẹfụ ọlẹ ká Olegu nya Ohe Oluhye juwa tọọ wẹẹ?”

Ụka ọọwa, iFero byi iJosẹfụ yẹkẹẹ, “IJosẹfụ, wo mẹ, ahụ ọngọlẹ ká Ohe Oluhye bwuru etu nya ụlaa ọlẹ ya jeng lẹ, ahụ ụbwọng, m jẹ lẹ, chajị ọngọngọhẹ ọkịla á jam kọ jẹ ẹla lee ọ-la irya ọhịlẹ-hịlẹ lala ahụ ẹ-ẹgẹlẹ kpong-kpong kaka. Lẹ, ahụ m chụ olegbeju nya ọdọdẹpwa nyam wẹ alẹ lẹlẹ. Ala Ijipiti wuu ji ekpeleji nyang lẹ. Ang myị ang ọlẹ ká ya lẹ, ọọwa ị ka họ lẹ, chajị ahụ a ri olegbeju ọ-bam ba ọ-ọpyị nya Ijipiti ọlẹ wuu lẹlẹ.

IJosẹfụ wụrụ ẹnyị nya ọnyị oheeye, Ifurem, ọlẹ ká etu nyamwụ ri “ugbe ọnwụnwụ,” chajị iJosẹfụ myịmyị yẹkẹẹ, “Ohe Oluhye kiji jam ya anyị ham ma, ám ọ-ọpyị ọlẹ ká akama yẹm lụmẹ lẹ.”

IJosẹfụ wụrụ ẹnyị nya ọnyị ọgbahị nyamwụ, ịManasẹ, ọlẹ ká etu nyamwụ ri “eeri ọdada,” chajị iJosẹfụ yẹkẹẹ, “Ohe Oluhye kpa ọnyị ọlẹng ọlẹ dam eeri nya akama ọlẹ kam yẹ lụmẹ lẹ. Ọ myịmyị dam eeri hi alẹpwa nya adam ịnyịnyị lẹ.”