Popular Bible Verses from ỌMWỤ ỌDADA 32

Share

Ọlẹng ọwẹ byi iJekọbụ yẹkẹẹ, “Ẹnyị nyang á ka ri iJekọbụ bwu alẹ kele kịlahị kaka. Isirẹlụ ọlẹ ká etu nyamwụ ri ‘ọngọ ma uya ta Ohe Oluhye,’ a ka ri ẹnyị nyang lẹ, chajị a ri ọngọ ma uya ta Ohe Oluhye bala angịnyị kpụ ā kụrụ lẹ.”

Ụka kị juwa ma uya ọọwa ịnyịnyịịnyị ká iJekọbụ juwa wu ọlẹng ọwẹ kpanya-kpanya lụmẹ, ká ahị tị juwa ka gwaa pyẹ lẹ, ọlẹng ọwẹ a bịlẹ iJekọbụ byoo yẹkẹẹ, “IJekọbụ, chuchuu, tụụbwọ him kam rụ mẹ, chajị ahị juwa ka pyẹm lẹ.” Ma, iJekọbụ wẹ byoo yẹkẹẹ, “Ó-ri ka wahị kụrụm ka aalẹ, ḿ ka tụụbwọ hing, aa rụ kpong-kpong kaka.”

iJekọbụ a hi hyehe o-oye ọkịla nya ihu ọwẹ ụbwọọmwụ-ụbwọọmwụ lẹlẹ. Lụka nya odu ọọwa, ọlẹng ọhẹ kele ka ẹga nya iJekọbụ. Ọọwa lẹ, iJekọbụ bala ọlẹng ọọwa a juwa ma uya ta awụlẹ la odu-odu gbee pwụ ụka ọlẹ ịnọ ká ahị juwa ka gwaa pyẹ lẹlẹ.

IJekọbụ wụrụ ẹnyị nya ẹga ọọwa ịPẹnịyẹlụ ọlẹ ká etu nyamwụ ri “ahị nya Ohe Oluhye,” chajị ọ yẹkẹẹ, “Am ayịdang yẹ Ohe Oluhye lẹhị-lẹhị nyam ọlẹ, ma, m tị myịmyị jam la ọhịhị nyam wẹẹ.”

Ụka ká ọlẹng ọwẹ jẹ yẹkẹẹ, ọwa nyị́ kụrụ iJekọbụ myị kaka lẹ, ọọwa lẹ, ọ yụbwọ nyamwụ ba iJekọbụ pyẹẹ ọ-ọhị nyamwụ lẹ, ẹdịrẹ nya ụkụ bala ọhị nya iJekọbụ a pyị iloo hi awụlẹ kiroko lẹlẹ.

Ụka ọọwa, ọlẹng ọwẹ tọ iJekọbụ ịtọ byoo yẹkẹẹ, “Ẹnyị nyang a tị́ ri ịyaa ene?” IJekọbụ wẹ byoo yẹkẹẹ, “Am a ri iJekọbụ lẹ.”

Ụka ọọwa, iJekọbụ byi ọlẹng ọwẹ yẹkẹẹ, “Ẹnyị nyang ahụ tị bẹẹ?” Ọlẹng ọwẹ wẹ byoo yẹkẹẹ, “Ịịyẹ a tị́ du ká juwa tịtọ ká ka jẹ ẹnyị nyam ene?” Ịnyị lẹ, ọ wahị kụrụ iJekọbụ ụ-ụwa lẹlẹ.

Ịnọ, am ayịdang jẹ ḿ chịla kpá ụpẹnị-ụpẹnị ị-ịlahị nyang pwoku ọnahị ọtụka bala iru nya ang ịnyịịla ịlẹ wuu ká họ ham am ọnchẹ nyang lẹẹ ka. Ugbeene lẹ, ọkụta ocheji ọlam-ọlam ọlẹ m kpa tụ ịlọm da kpoye nya Ihu ịJọdan ọlẹ lẹ. Ma, lẹẹlẹẹ lẹ, m jam kpa angịnyị ju iru ogu imiiye nyà lẹ.

Pịyọọ daalẹ ọlẹ, ala Isirẹlụ wuu á kaa myị-ị ri ukpooji ọjwọọjwọọ ọlẹ kọ hịla ẹdịrẹ nya ụkụ bala ọhị nya iyo ọhẹ-lọhẹ kpong-kpong ka. Ang odudu nya ọọwa ri ẹ-ẹga nya ukpooji ọlịnyị nya IJekọbụ kpangga, ọlẹng ọ-ma uya tọọ a yụbwọ nyamwụ bọọ pyẹẹ lẹ.

IJekọbụ raabwọ ha Ohe Oluhye ụ-ụwa yẹkẹẹ, “Ahụ Ohe Oluhye nya adam ọgbahị Ebiraham bala Ohe Oluhye nya Ayịsiki adam ochiche ee! Ahụ Amkpaa-à tị́ byim ó-ri kaam nyị rụ nyà tịrẹkpẹ kaka tọ alẹpwa nyam ọ-ọpyị nyahị lẹ aalẹ, ọwa nyị ka họ ká ang myị ang wuu nyị ka hiigu ham lẹ. Lẹ, aa wo ọbịlẹ-bịlẹ nyam ọlẹ mẹ.

Lẹ, Ohe Oluhye adam, chuchuu chịm da bwu ẹpwụtụbwọ nya Ịsọ ọnyịnam ọlẹng mẹ! Ó-ri ịnyị ka aalẹ, ọ ka warị kaka goohi nwụ tụ ịhụ bala anyị nyam ịlẹ wuu lẹ!