Popular Bible Verses from ỌMWỤ ỌDADA 21

Share

Amkpaa họ ọnụ ọmyịmyị nyamwụ jịra ẹ-ẹga nya iSera ịnyịlẹhị jaabwọ kọ myị ọnụ họọ ene-ene ya, ọwa nyị ka họ lẹ, ịnyị lẹ, ọ wahị kụrụ iSera, ahụ nya Ebiraham lẹlẹ.

Ụka ká Ohe Oluhye wo omyi nya ida ojeje nya Ichimẹlụ ịnyịnyị, olegu-ẹrụ nyamwụ ọhẹ ya ẹla bwu epwoohe. Ọ byi ịHẹga yẹkẹẹ, “ỊHaga, ịịyẹ a tị́ ri akama nyang? A ju uhi ka. Ohe Oluhye wo omyi nya ida ojeje nya Ichimẹlụ ọnyị nyang lẹ. Wuleji ká kele ka ẹga nya Ichimẹlụ ká kọọ ida mẹ ẹnwa. Ọ́ juwa ka gbu ka, chajị Ohe Oluhye ka họọ kọ ka yẹ ri adịda ogogo nya epwoja ọtụka-ọtụka ị-ịlahị kpá wẹẹ.”

Ọọwa, iSera a jẹnyị lẹ, ọ ma ọnyị ọlẹng ha Ebiraham ịnyịlẹhị lụka ọlẹ ká Ohe Oluhye hunọ ene kọ ya je Ebiraham chajị nyamwụ lẹlẹ. Ebiraham ayịdang chị okwirichi kụnyẹ-kụnyẹ ene ká iSera ma ọnyị ọọwa họọ.

Ị wụrwọọ Ayịsiki chajị iSera yẹkẹẹ, “Ohe Oluhye hu ẹhụ nya ọkẹkẹnị ọtụka ham lẹ. Ọng myị ọng ọlẹ kọ wo oja nya ọkẹkẹnị okpori-kpori ọọwa ka hụlọ ẹhụ nya ọkẹkẹnị ọlẹ tam ịnyịnyị pyii lẹ.”

Ma, Ohe Oluhye byi Ebiraham yẹkẹẹ, “Ebiraham, a wụ ẹjẹ chajị nya Ichimẹlụ ọnyị nyang lee ịnamwụ, ahụ-ọnchẹ nyang ọwẹ kaka. Ọkọkọ nya ọọwa lẹ, aa họ jaabwọ ká iSera ya wẹ mẹ, chajị bwu ẹga nya Ayịsiki bala anyị ịtụma nyamwụ wuu, ị ka wo ẹnyị-ehe nyang ahụ Ebiraham odehe ọlẹ wuu pyịyọọ lẹlẹ.

Ma, am Ohe Oluhye ka họ ká Ichimẹlụ ka ri adịda ogogo nya epwoja ọtụka-ọtụka chajị nyọlẹ kọ bwu ẹpwụ nyang kpehe.”