Popular Bible Verses from UMÁKI 6

Share

Ācɛ alɛwa nɛ̄ɛ̄nɛ̄hi yɔ̄ ī pɛ́ wā klla yɔ̄ ī pɛ́ nyɔ̄ nɛ̄ ó cɛ̄ lɛ Ujísɔ̄si mla ayíkpó kú nū má ɛga lé ɔdōlé ŋ́. Anɔ́ɔ ó da uwá kahíníī, “Ālɔ̄ ga ɛga nɛ̄ alɔ géē bá ōfōōfū alɔ, cɛ́ɛ́ kú aá le mlɛ́nyɔ́ lígíí.”

Ujísɔ̄si da uwá ka ɛjɛ̄ɛ̄jī ācɛ gē lɛ ojīlīmā ce ɔcomɛ́ɛbɛ ń táafú ŋ́ ayíka ācɛ nēe lā igelī ékpónú mla anú ā mla aɔ́máapú nū mɛ́mla ācɛ kú ipɔ́ɔnū ɔlɛ́ nū.

Eko nɛ̄ Ujísɔ̄si le bɛ̄cɛ ŋmá ipú ɔkɔ ā, ó má ɛwa nɛ̄hi kú ācɛ, anɔ́ɔ é le tū ɔ̄ eyīnyinyi, ohígbū keé lɛbɛ̄ɛka álá nēé lɛ ɔ̄cɛ o leyí kwu uwā ŋ́ mā. Anɔ́ɔ ó gbɔɔ́ ō nwū uwā ɔdā alɛwa.

Úklɔ́ o hídáagó nɛ̄ ó lɔfú yá abɔ̄ ōfōōfūnū ā wɛ ka o lɛ abɔ̄ ce ācɛ odoōcē ōhī ɛyí lɛ uwá hɛ́tá. Ó yúklɔ́ o hídáagó ɔhá dóódu gɛ ŋ́. Ó le hídáagó nɛ̄ɛ̄nɛ̄hi, ohígbū ka ācɛ ā í lɔtūce ɔ́ ŋ́. Anɔ́ɔ Ujísɔ̄si le tá aéyīpɔ́lɛ́ nēe yɛ abɔ́ɔ biílí ā yɔ̄ ge nwū ācɛ ā ɛlɔ̄ɔwɔicō.

Anɔ́ɔ Ujísɔ̄si kwu igbō ɛhɔ̄ mɛ́mla ɛbéenyi ɛpa ā ú, je eyī gicō má ɔkpáncō, lɛ ahínyá tá Ɔwɔicō. Ó lɛ igbō ā cē anɔ́ɔ ó kwú kpó lɛ ayíkpó ā kéē kɔ̄ lɛ ācɛ ā. Ó klla kē lɛ ɛbéenyi ɛpa ā kɔ̄ lɛ odúúdú uwá. Ɛjɛ̄ɛ̄jī ācɛ ā le lé jɛ̄ iyī uwā. Anɔ́ɔ iwili kú igbo mla ɛbéenyi nōo hile nɛ̄ ayíkpó ā kpó ŋmá ajɛ ā, wɛ ómbili igwɛ́ɛpa.