Popular Bible Verses from UMÁKI 16

Share

Ó da uwá kahíníī, “Aá nyɔ̄ ga ɛga dóódu kú ɛcɛ ā gaá tɔ́ɔna kú Ɔ̄kōōlɔhi ā lɛ alɛɛcɛ dóódu.

É géē je ɔfú lɛ ācɛ nēe cɛ̄ɛ̄lā ā kéē yúklɔ́ o hídáagó nēe bá nyā, o ŋmá lɛ iye kú um é géē nū aálelékwū obɔ̄bí ŋmá ipú iyē kú ācɛ, é géē kɛlā okónu ucē ɛ̄yīpɛ̄. Ɔ́dāŋ́ nēé kōō kwú ɛgwā ú ŋmáajɛ, ámāŋ kéē kōō lɛ ɔdā ō ŋmó ɔ̄cɛ glá gwá nááná, ó gáā yá uwā ɔdā dúúmā ŋ́. É géē lɛ abɔ̄ ce ācɛ o doōcē ɛyí, ōcē kú uwā kē í mɛ.”

Ɔ̄cɛ dúú nōo cɛ̄ nēé lɛ ubatísim yá ɔ̄, é géē nyā ɔ́ tá. Amáŋ ɔ̄cɛ dúú nɛ̄ ó cɛ̄ ŋ́, é géē ŋmó ɔ̄ ɛpɔ̄bí ɛ̄cī nēé géē kɛpɔ̄ tū ācɛ ā.

Anɔ́ɔ ayíkpó ā nyɛ̄ɛ̄ ŋmá abɔ́ɔ gaá gbɔɔ́ ō tɔ́ɔna kú Ɔ̄kōōlɔhi ā ɛga dóódu á. Óndú ā kē yɔ̄ ī yúklɔ́ mla uwá klla cɛ̄ uwā ijáalí ku ɛlā ā, ɔ́ɔ wɛ ɔkwɛ̄yi, ŋmá lɛ ɔdā ō hídáagó nēe yá ā. Aamí.

Amáŋ ó da uwá kahíníī, “Aá hɛ́gilígilí ŋ́. Aá gē tine Ujísɔ̄si ɔ̄cɛ Unásārēt, nēé nyɔ́kpá ā. Ó le héyī ɛɛ́. Ó yɔ̄ amānyā gɛ ŋ́. Aá má ɛga nēé le okwū nū gwutá tɛtɛ ā.

Amáŋ eko nēe je eyī gicō ā, é le má ka, é lɛ ɛcɔ̄ ā míya ŋmá okónu únóji ā. Anɔ́ɔ é le bēé ga ipú únóji ā, é má ɔyípɛ̄ oklobīya nɔ̄nyīlɔ éyi yāajɛ abɔ̄lɔ́ná kú ipú unóji ā, lɛ awulú nɛhɛ̄ pélúú wu iyē. É le hɛ́gilígilí.