Popular Bible Verses from UMÁTIYU 8

Share

Anɔ́ɔ ó da uwá kahíníī, “Ɔdí yá nɛ̄ aá gē yúúfi āa? Aá wɛ ācɛ nēe kpɔ́tūce Ɔwɔicō nwuné ŋ́.” Anɔ́ɔ ó cāŋjɛ, lɛ ɛgba dɛ̄ tū ɔwu mɛ́mla úgbagwú kú ísu āa. Anɔ́ɔ igbeékpónú ɛga dóódu gaá yɔ̄ hímm á.

Anɔ́ɔ otrɛ̄yí kú aícɔ́ɔja ofɛhɔ̄ ā tá ɔ́ ohi kahíníī, “Óndú, ń cíkā ká ā wā inu ɔlɛ́ um ŋ́, amáŋ lɛ ɛlā okónu ka ōfūnū, cɛ́ɛ́ ká ɔ̄cocɛ̄hɔ̄ kú um ā kóō le hɛ́tá.

Eko nɛ̄ Ujísɔ̄si lɛ ɛ̄nyā pó ā, ó le hɛ́ ɔ̄ idáagó. Anɔ́ɔ ó da ācɛ nēe yɛce ɔ́ ā kahíníī, “Ɔkwɔ̄ɔ̄kwɛ̄yi, n̄ da aá ka ń kōō má ɔ̄cɛ dúú ipú ācɛ kú Ísrɛ̄lu nōo kpɔ́tūce Ɔwɔicō lɛ ā ɛ́ɛ́ ŋ́.

Anɔ́ɔ Ujísɔ̄si da otrɛ̄yí kú aícɔ́ɔja ofɛhɔ̄ ā kahíníī, “Nyɔ̄, kóō le yá gā uwɔ ɛ́gɛ́nɛ̄ a kpɔ́tūce ā.” Anɔ́ɔ ōcē kú ɔ̄cocɛ̄hɔ̄ ā kú otrɛ̄yí aícɔ́ɔja mɛ ɛplá eko nɛ̄ Ujísɔ̄si kɛlā ɔ́ɔmā á.

Anɔ́ɔ ācɛ ā le hídáagó á. É klla kahíníī, “Ɛdɔ ɔ̄cɛ nyá yɔ̄ ā, nɛ̄ owu mɛ́mla úgbagwú kú ísu gē jāhɔ̄ lɛ ɔ́ āa?”