Popular Bible Verses from UMÁTIYU 3

Share

Aá yá ucē nēe géē mafú ka aá le pīyabɔ̄ ŋmá íne nɛ̄ aá bīya ā ɛɛ́.

Ɔkɔ éyi ŋmá ɔkpáncō wāajɛ kahíníī, “Ɔyínɔ̄nyīlɔ kú um nōo he um ɔtū ā yɔ̄ á, ɛlā kú nū kē he um ɔtū nɛ̄hi.”

Eko nēé le ubatísim yá Ujísɔ̄si kwɛyí ā, ó le bɛ̄cɛ ŋmá ipú éŋkpɔ̄. Anɔ́ɔ ɔkwɔɔkwu ɔ́ɔmā ɔkpáncō le nwūla, anɔ́ɔ ó má Alelékwū kú Ɔwɔicō yɔ̄ ī wāajɛ gaá ce ɔ́ ɛyí lɛbɛ̄ɛka okóohō ā.

“Ami ā gē bī éŋkpɔ̄ yá aá Ubaptísim kóō cābɔ̄ ka aá le pīyabɔ̄ ɛɛ́. Amáŋ ɔ̄cɛ éyi gē wā igbīhi um, nōo fíyɛ́ um kɔ́ɔ́. Ń kōō yá ɔdā olɔhi dúú jɛ̄ nɛ̄ n kōō ī bī áblákpá kú nū ŋ́. Anú ā géē bī Alelékwū Ihɔ mɛ́mla ɔlá le yá aá Ubaptísim á.

Abālɔbányā Ɔwɔicō kōō lɛ āgā tútū kóō le hɛ́ aɔ́cí tɛgba tɛgba ɛɛ́. Ɔcí dúúmā nōó gwá īkpō ɔ̄kwɔ̄ɔ̄kwɛ̄yi ŋ́, ó géē hɛ́ ɔ̄ wāajɛ, cɛ́ɛ́ ó kwú ɔ̄ ú tá ipú ɔlá.

Ohígbū ka ɛ̄nyā wɛ anú, nɛ̄ Ayisáya ɔ̄comɛ́ɛbɛ ā kɛlā kú nū kahíníī, “Ɔkɔ kú ɔ̄cɛ éyi yɔ̄ ī dɛ̄gba ipú ígbíli kahíníī, “Aá lɛ ɔwɛ kú Óndú ā gllagwó, aá lɛ ɔwɛ kú nū nā kpaakpa.’”