Popular Bible Verses from UMÁLAKĀYI 3

Share

Aá lɛ ɛ̄gbā kú éyi ŋmá ipú igwó kú aá kpó wā ipú inu o kpó iyó tū jōōjīla, cɛ́ɛ́ ká ɔdōlé kóō yɔ̄ ipú inu kú um. Cɛ́ɛ́ aá lɛ um jáamá kú aá má ɔ̄, n géē nwūla uwíndo kú ɔkpáncō, cɛ́ɛ́ ká n̄ cē ɛhi mɛ́mla ɔhā kú um klá aá Cabácabá

Ń gaá cɛ̄ lɛ ɔdā dúúmā je ɔdɛ̄hɔ̄ kú aá kpó yíífi ŋ́. Ɔcí kú ufáyin kú aá géē gwá nɛ̄hi. Cɛ́ɛ́ odúúdú ācɛ kú ɛcɛ géē hī aá ka ācɛ ogwéeyē nēé lɛ ɔhā hɛ́ ce uwá. Ohígbū ka ajɛ kú aá géē je pīya ɛga olɔhi nɛ̄ ācɛ í lā.”

Óndú ā ka é géē wɛ ācɛ ɔlɛ́ anúɔ. Ó ka ɛ̄cī nɛ̄ anúɔ géē kɛpɔ̄ tū ācɛ kú ɛcɛ klla í yá ūwā italā ā, anúɔ géē ményinyi ūwā ɛ́gɛ́nɛ̄ ádā gē ményinyi ɔyí nū nōo gē gbā ɔ̄ ɛ̄gbā ā. Cɛ́ɛ́ ɛjɛ̄ɛ̄jī ācɛ ɔlɛ́ anúɔ géē má ɛyɛ́ɛyɛ́yí kú ɔdā nōo gē yá ācɛ o le kpaakpa mɛ́mla ācobɔ̄bíipú ā, mɛ́mla ɔdā nōo í yá ācɛ o cɛ̄ anúɔ ɛhɔ̄ mɛ́mla ācɛ nēé gē cɛ̄ anúɔ ɛhɔ ŋ́ mā.

Óndú ā nōo lɔfú fíyɛ́ dúú ā tóohi kahíníī, “N géē tū ɔ̄cocɛ̄hɔ̄ kú um wā gaá tá ɔwɛ tū gā um. Cɛ́ɛ́ Óndú ā nɛ̄ aá lɛ eyī táajɛ nū ā géē wā ipú Agblīihɔ-nɛ̄hi kú nū acígilí. Cɛ́ɛ́ ɔ̄cocɛ̄hɔ̄ nɛ̄ aá húmáyī lɛ eyī ce ā, géē wā í tɔ́ɔna kú okónu nɛ̄ n ce ā.”