Popular Bible Verses from ULÚKU 22

Share

Ó kahíníī, “Ádā, ɔ́dāŋ koó wɛ ɔdā nɛ̄ ā cɛ̄, kwú ikókwū kú ōwē nyā ú ŋmá ɛgiyí um. Amáŋ a híīī yá ɔdā nɛ̄ n dɔɔ̄kā ā ŋ́, amáŋ ɔdā nɛ̄ awɔ dɔɔ̄kā á kóō le yá.”

Amáŋ n lɛ ɔkɔ gbā lɛ Ɔwɔicō ohígbū awɔ nōo wɛ Usáyímɔ̄n ā ɛ́ɛ́ kóō cɛ̄ lɛ ɔtū nɛ̄ a le ce ɔ́ ā kóō tɔ́ɔlá ŋ́. Ohígbū ɔ́ɔmā, eko nɛ̄ a kwúcē igbīhi wā í tá um kpɔ́, tá ayíkpó aɔ́mpa awɔ abɔ̄ kéē lɔtūce Ɔwɔicō.”

Anɔ́ɔ ó kwú igbō ā ú, ó lɛ ahínyá tá Ɔwɔicō, lɛ ɔ́ kpó cē nyɛŋɛnyɛŋɛ, anɔ́ɔ ó kwú lɛ uwá, yɔ̄ ī ka kahíníī, “Ɛ̄nyā wɛ ɔkpíyē kú um nēé je gwɛ́ɛya lɛ Ɔwɔicō kwɛyí aá ā á. Aá yá ɛ̄nyā ká aá bī le blakwu um.”

Eko nēé le ɔdōlé ɔ́nɔ̄ɔ̄nɛ̄ lé kwɛyí ā, ó kwú ikókwū kú ejé ā ú, yɔ̄ ī ka kahíníī, “Ikókwū nyā wɛ okónu ɛ̄yīpɛ̄ nɛ̄ Ɔwɔicō ce mla ācɛ ɔlɛ́ nū nēé bī ōyī kú um nōo géē cēbónū ohígbū aá.

Ó gbɔ̄ɔkɔ lɛ Ɔwɔicō lɔfúlɔfú nɛ̄hi, anɔ́ɔ ó yɔ̄ ipú ɔkpɔkplɔ nɛ̄hi nōo cɛ̄ lɛ ahɛ nōó yɔ̄ ī bū ā yɔ̄ ī hɛ́ wāajɛ bɛ̄ɛka ágbōyī ā.

Amáŋ ó wɛ ɛ́gɔ́ɔmā nōó gáā wɛ ɔtāhɛ̄ aá ā ŋ́. Ikɔkɔ ɔ́ɔmā ɔ̄cɛ nōo géē cɛgbá fíyɛ́ dúú ipú aá kóō le pīya bɛ̄ɛka ɔyípɛ̄ nɛ̄ŋcɛ́ fíyɛ́ dúú ā. Ɔ̄cɛ nōo géē wɛ otrɛ̄yī kú aá kóō kwú pīya bɛ̄ɛka ɔ̄cocɛ̄hɔ̄ kú aá ā.

Ujísɔ̄si tá ɔ̄ ohi kahíníī, “Upíta, n da uwɔ ka ɔbúgwū í gáā togwú ícɛ nyā dɛ̄ɛ̄ ɛ́ɛ́ nɛ̄ a géē híhó igbɛ ɛtá ka anúɔ í jé um jéjéē ɛ́ɛ́ ŋ́ mā ŋ́.”