Popular Bible Verses from ULÚKU 11

Share

Nááná nɛ̄ aá wɛ ācɛ o yá ɔdōōbɔ̄bí ā, aá je ɛ́gɛ́nɛ̄ aá gē je ɔdā olɔhi lɛ ɔyí aá. Ó lɛ ā, Ádā nōo yɔ̄ ɔkpáncō ā í gáā je Alelékwū Ihɔ lɛ ācɛ nēe bá ŋmá ɛgiyí nū ā ŋ́ nɛɛ?

Ohígbū ɔ́ɔmā, aá ba Ɔwɔicō ɔdā nōo ce aá ɛgbá ā, ó kē í je lɛ aá. Aá tíne odée ŋmó ɛgiyí Ɔwɔicō, a kē í lɛ ɔ́. Aá lɛ abɔ̄ gbo ɔ̄wɛ ā, é kē í nwūla ɔ́ lɛ aá.

Ohígbū ka Ɔwɔicō gē je ɔdā nɛ̄ ɔ̄cɛ ba ā lɛ ɔ́, ɔ̄cɛ nōo tíne odée ā géē lɛ ɔdā ɔ́ɔmā, é kē í nwūla ɔwɛ lɛ ɔ̄cɛ nōo lɛ abɔ̄ gbo ɔwɛ ā.

Ujísɔ̄si da uwá kahíníī, “Eko nɛ̄ aá ī gbɔ̄ɔkɔ lɛ Ɔwɔicō, aá kɛ̄la nēe bá ā. ‘Ádā, alɔ ī gbɔ̄ɔkɔ kú ācɛ kéē lɛ ojīlīmā ce uwɔ abɔ̄yī uwɔ nōo wɛ Ɔwɔicō ɔkwɛyi ā. Wā í cɔ̄cɛ cɛ́ɛ́ ká ā gbo odúúdú ɛcɛ ā.

Kwú ɔdōōbɔ̄bí nɛ̄ alɔ yá uwɔ ā ú yá alɔ ɛhi, ɛ́gɛ́nɛ̄ alɔ je ɔdōōbɔ̄bí nɛ̄ ɛjɛ̄ɛ̄jī ācɛ yá alɔ ā yá uwā ɛhi ā. Ā cɛ̄ lɛ alɔ ga ipú ojámá olɔfú ŋ́.’”

Le ɔ́ yá tɔ́ɔtɛ lɛ alɔ kú alɔ lɛ ɔdōlé nōo ce alɔ ɛgbá ɛ̄cī dóódu ā lɛ.

Ikpēyī kú ɔ̄cɛ lɛbɛ̄ɛka agege kú iye ā. Eko nɛ̄ ikpēyī kú uwɔ le gēdēē, odúúdú iyē kú uwɔ le mū mla ɔlá ofíyajɛ. Amáŋ eko nɛ̄ ikpēyī kú uwɔ í lɔhi ŋ́, ɛjɛ̄ɛ̄jī iyē kú uwɔ géē yɔ̄ ipú ajɛ odobū.

“Ɔ̄cɛ dúúmā í gē lɛ ɔlá hɛ́ kwu agege ī kwú ɔ̄ ú tayínū ámāŋ kóō kwú ɔgālā í pīya klá anú ŋ́. Ikɔkɔ ɔ́ɔmā ó gē je ɔ́ ce ɛyí ɔdā olɛ agege ce ɔ́. Cɛ́ɛ́ kú ācɛ kéē mɛ́ɛbɛ eko nēé lē bēhé wā ipú inu.