Popular Bible Verses from UJƆ́NI 8

Share

Ujísɔ̄si le ɛlā ka lɛ ācɛ Ufárisīi igbɔhá kahíníī, “Ami wɛ ɔlá-ofíyajɛ kú ɛcɛ á, ɔ̄cɛ dúúmā nōo yɛce um, ó gáā yāwu ipú obū ŋ́, amáŋ ó géē lɛ ɔlá-ofíyajɛ kú oyēeyī.”

Aá kla géē jé ɛlā ɔkwɛ̄yi ā, ɛlā ɔkwɛ̄yi ā kē í nya aá tá.”

Anɔ́ɔ Ujísɔ̄si da ācɛ Ujíyu nēe cɛ̄ɛlā nū ā kahíníī, “Ɔ́dāŋ́ ka aá géē lɛyítáajɛ lɛ ɛlā kú um, aá géē wɛ ayíkpó kú um ɔkwɛ̄yi.

Ohígbū ɛ́gɔ́ɔmā ɔ́dāŋ ka Ɔyínɔ̄nyīlɔ ā lɛ aá nyatá, aá le nyatá ɔkwɛ̄yi.

Abɔ̄ uwá bá gē da ɔ́ ɔ̄kā kpɔ́ ā, ó cāŋjɛ da uwá kahíníī, “Ɔ̄cɛ dúúmā nōó yá ɔdōbɔ̄bí ɔtāhɛ̄ aá jéjéē ɛ́ɛ́ ŋ́ kóō wɛ ɔ̄cɛ aflɛ́yí nōo í tá ɛcɔ̄ klá anú.”

Ujísɔ̄si tá uwā ohi kahíníī, “Ɔkwɔ̄ɔ̄kwɛ̄yi n da aá ka, ɔ̄cɛ dúúmā nōo lɛ íne kú Ɔwicō bīya, wɛ ɔfiyɛ kú ínoōbīya.

Anɔ́ɔ Ujísɔ̄si cāŋjɛ, da ɔ́ kahíníī, “Ɔnyā, ācɛ nēe kpɛ́lā ce wɔ ā bá iní? Ɔ̄cɛ dúú í ŋmó uwɔ ɛpɔ̄bí ŋ́ nɛɛ?” Anɔ́ɔ ɔnyā ā tóohi kahíníī, “Ehée, Óndú.” Anɔ́ɔ Ujísɔ̄si kahíníī, “Ń kē ŋmó uwɔ ɛpɔ̄bí ŋ́ dúú. Nyɔ̄ o ŋmá abālɔbányā ā yá ɔdōbɔ̄bí ɔhá gɛ ŋ́.”