Popular Bible Verses from UJƆ́NI 1

Share

Áluka kú ācɛ nēe mīyɛ anú, nēe cɛ̄ɛ̄lā nū ā, ó le ɔfú je lɛ uwá kéē le pīya ayí kú Ɔwɔicō.

Anú nēé hī ka ɛlā ā yɔ̄ gbɔbū ɛ́ɛ́ nɛ̄ Ɔwɔicō yá ɛcɛ á. Ó húmáyī ī yɔ̄ mla Ɔwɔicō, anɔ́ɔ ɛlā ā kē wɛ Ɔwɔicō ɔkwɔ̄ɔ̄kwɛ̄yi á.

Anɔ́ɔ ɔlá ā kē fíyaajɛ ipú obū, obū ā í kē nyí ɔ̄ ŋ́.

Anɔ́ɔ ɛlā ā le pīya ɔlɛɛcɛ, ó kē gā gaá lā mla alɔ. Ó yíihɔtū klla gbonɛnɛ nɛ̄hi. Anú kē ma Ɔwɔicō fú ɔkwɔ̄ɔ̄kwɛ̄yi á. Alɔ má ojīlīmā nɛ̄hi nɛ̄ ó lɛ ā. Ádā je ojīlīmā nɛ̄hi nyā lɛ ɔ́ ohígbū ka anú wɛ ɔyínɔ̄nyīlɔ ékpónú kú nū á.

Ɛlā nɛ̄ Ɔwɔicō bī le yá ɔdā dóódu á. Ó le ɔdā dóódu nɛ̄ Ɔwɔicō yá nɛ̄ ó wɛ ɛlā ā yá ɔ̄ ā ŋ́ nɛɛ ŋ́. Ɛgiyí nū ā nɛ̄ oyēeyī yɔ̄ á, oyēeyī ā kē wɛ ofíyajɛ kú ɛcɛ á. Ɛgiyí ɛlā ā nɛ̄ oyēeyī ŋmá á, ámāŋ ɔdā nēé yá ā, lɛ oyēeyī ŋmá opīyatɔ̄há mla ɛlā ā.

Oŋmɔ́ɔ̄cī nū Ujɔ́ni má Ujísɔ̄si yɔ̄ ī wā ɛgiyí nū, anɔ́ɔ ó kahíníī, “Aá má Ɔyálá kú Ɔwɔicō, nōo gē kpó íne nɛ̄ ācɛ kú ɛcɛ bīya nyɔ̄ ā!

Amáŋ nááná nɛ̄ Ɔwɔicō yá ɛcɛ ŋmá iyē nū ā, ācɛ í kē jé ɔ̄ éjúuma eko nɛ̄ ó wā ā ŋ́. Ó wā ɔlɛ́ nū, amáŋ ācɛ ɔlɛ́ nū í mīyɛ anú ŋ́.

Ɛ̄nyā wɛ ofíyajɛ ɔkwɛ̄yi, ɛ̄nɛ̄ o géē wā ipú ɛcɛ gaá fíyaajɛ klá ācɛ dóódu ā.

Ɔwɔicō le íne tū Umósīsi ɛhɔ̄, amáŋ Ɔwɔicō tū Ujísɔ̄si nōó fu kóō wɛ ohɔ́nyɛtá ā ɛhɔ̄ kóō mafú ihɔtū mɛ́mla ogbonɛnɛ kú Ɔwɔicō mɛ́mla ɔkwɔ̄ɔ̄kwɛ̄yi lɛyíkwu ɔ́.