Popular Bible Verses from Mathliyu 19

Share

Amma Yesu wul ɗa, ka pəla ala ɗa “Ma mda, mda amzhi harari wa, amma ar Hyel su aɗi na mwavər alari wa.”

Apani da aɗi mji suɗə kəra wa, amma mdə duku. Antə su tə Hyel ku pakta, mda aɗiya ndəkəmta wa.

Antə Yesu shinau ka pəla, “Giri aɗi karatə wa ya abbər tsa na alaktə təng akwa baɗitari ni, namtə ɗa sal ka mwala ni?” Antə tsa pəla, “Kamnyar ngəni, antə sal ata zhar baba'ni ka mama'ni ka da paktədzi ka mwalankiɗa, antə da aɗi ata ndzi suɗə kəra wa, amma da ata ndzi apa mdə duku.”

Amma Yesu pəla ala ɗa, “Zhar giri maɗankyar na raka raka ni ka da si adzə ra, giri aɗiya ngkatə ɗa wa, kamnyar kuthlikur na amtazi ni an kamnyar mji na apa maɗankyar nayeri ni.”

Amma mji hang na ntangkəma kulini, ata sə ndzi akwa tsikərari, antə mji na akwa tsikərari kulini ata sə ndzi ntangkəma.”

Tsuwa kəlara mdə na ku zhar kəyayeri, wala maɗama'ni shili wala mwanki, wala baba'ni, wala mama'ni, wala maɗa'ni, wala fakayeri kamnyar haptə thləmi, tsa ata wutə su na təramta ngəni har ka bwa aru. Tsuwa tsa ata wutə mpikə na akur wa.

Antə Yesu pəla alari, “Ma ga ata bara ka gə ndzi caɗaɗa, mwari ka gə ɗələmta shanga su na akəla ga, ka gə nar kwabari aka mjir bwani, antə ga ata wutə watsəɓari amtazi. Aghəla nda ka gə si ka gə nu ra.”

Antə Yesu pəla alari, “Kamnyar mi tə ga akwa yu ra ata kəra su na ɓɗaku ri? Mdə duku shini an ɓɗaku. Tsuwa ma ga ata bara ka gə wutə mpikə na akur wa, ka gə ɓəlatə tsawayeri ni.”

Tsuwa I akwa jaktə pəla ala giri, ata ndzi kasəla aka dləkəmau ka tsa ləɓəla akwa gular liɓəra, ta ka mdər gəna ləkwa kuthlikurər Hyel.”

Tsuwa I akwa pəla ala giri, kəlara mdə na ku nggəlar mwalankiɗa, ma aɗi kamnyar ləkə wa, ka kəl mwala damwa, tsa akwa ləka.”

Antə Yesu pəla aka mjirthlipərni, “I akwa pəla ala giri jirkur, ata ndzi mwavər aka mdər gəna ka tsa ləkwa kuthlikur na amtazi.