Popular Bible Verses from Mark 13

Share

Lāh dāḵw kla ḵa ās klīzitl klis nāhwā bagwānum kā un glīkumī; wa yiglā ḵī da lābund kla tloqātlā‐kl, hī um qāqila‐āq klī.

Yāklauh dāḵw lā, k̤āk̤ālālāla glū hawāḵulāḵ; kāḵs kīs dāḵwa ākūs kauklilāḵ hīh dum kla sī qīh‐īd klī.

Gil nāhwā um‐kl wīs glā klis lā‐kl wāduq‐kl kās le zaw ūs, qālā qātlila naukī gīla kās wātldum ūs, qālā hyī ḵād nīnk̤īkātlgīwāla lāḵ; au umā hī um wātldum nāhwā klī da lā‐nāhwā kla ūdāh‐īdāyū nāhwa um‐kl zawe nāhwa klūkl kās wātldum ūs: kā kīzīnāyas sū yāk̤untālas, he āglā sī da Holy Spirit.

Ḵā īkī awīnāgwīs gla wa awīnāgwīsīḵ kīyohwīh‐kl; lā glā tin wātldumī kīs kīyohwīda īnūḵ‐kl.

Wa yiglāḵ nālā‐īnī kla sī glū wāḵāzākīlas kla sī kīyos numūq bagwanum kauklilā‐kī, kīyo, wāh ma ā sī da angelsā yiḵā he lī da īke awīnāgwīs kīyoza um kauklila nūq sī, kīs um ḵa ā wīsī da Kwanūqī, hīga um glī da Umpa.

Gil um‐kl wīsis wuklilā‐kl ḵā wīnāpa kla, qālā nūtlāḵ; kā īḵs he las ma ī qelī; kīs um‐kl wīs glī da wulbī klā.

Lāgītlin nīkiūkl kās k̤āk̤ālālāh dāḵwa ūs; kāḵs kīs dāḵwa ākūs kauklilāḵ gāḵ dum kla sī da gīkumaya sa gūqī, kū hī lāḵī da zāqā glū kū hī lāḵī da lā nukīgāyā, glū kū hī lāḵī da lā kaāla; Kū ūdāh‐īdilāḵ gāḵ lāḵ, lā lāḵ mīḵā ginsālā‐ḵūkl. Wa ḵun wātldum ūkl, nīk um ḵa ā wīsin klas lāḵ nāhwā um, K̤āk̤ālālāla.

Kā ī da līlqilāklāyāḵs wīnī klāḵ līlqilāklāyī, glū gīkāsī wīnā kluḵ gīkāsī, lā‐kl ḵa ī da nīnīne kla lāḵā ātl‐ūgwakīs awīnāgwīs, lā‐kl ḵa ī da pīpaula kla gla wa tlī‐tlālāwūtlilā kla, gestā um gālabī‐kl sa wīwūsīlākā unḵ klā.

La mā wīs gla klī da ek zik̤iālum, lā nīgim‐kl lāḵ nāhwā līlqilāklāyā.

Kā īḵs kīnumī klī da gāḵ kla lāḵun glīkumī, nīk‐kl, nūgwa‐um Christ; lā klī nānūtl tsīlāqila kla ḵā kīnum klā.

Yāklauh dāḵw lā hyī glāḵs sau īḵ; kā īḵs lāh dāḵwī klī zaw klūs lāḵā k̤wī‐k̤wīḵulā; lāh dāḵw‐kl ḵa ās hwisā sūkl lāḵā kāpīkawāzī, lāh dāḵw kla ḵa ās lāyū‐kl lāḵā gīgikumāyī gla wa kings kā un, kā wātldum lāh dāḵwuk.

Kā īḵs kīnuma ī da gāḵ kla klīlqālā kla Christ būtlā‐kl, gla wī da klīlqāla kla pī‐prophets būtlā‐kl, lā‐kl ḵa ī dūqā mas kla sīs wunwunhyis kla qīgīlas‐kl, ḵunḵunyāzīma kla, kās klīqitl tūdā masī, kū qīh‐īdaās nūq lāḵ, ḵā kūglaqī.

Lā glā ḵī da nālā kla hīh dumkl qīh‐īd klī, ātlākāwī‐kl tsī da tlālāwūtlilā kla, lā klī da klīsila pudih‐īdā matsū‐kl, lā‐kl ḵa ī da muqilā kīs lā nāqilā‐kl, Lā klī da tūtau sī da īk̤ī tīkumākā‐kl, lā‐kl ḵā ī da nāhwā uḵ sa īk̤ī nutlim gilīs‐kl.