Popular Bible Verses from Luke 3

Share

Gil mī sī da nāhwā bagwānum la wīla zūḵuqā, yiḵs lā ā ḵā ī Jesus zūḵwā sa wā, la hawāḵulā, lī da īkī ukulīsā. Lī da Holy Spirit bunū‐tlila hī qīx hamū gāḵ‐sum dā lāk, lā ā sa wuglā‐kuḵs dī sa wī gehīd lāḵā īkī, yiḵā nīkī, ga mun tlāhwila Kwanūqik, sū mun ekīkulāyū‐kl.

Lī John nānāḵmī nīk lāh dāḵwuk nāhwā, aulā mun zūḵwūkla sa wāp; lā glā tī da gāḵīgī kla gāḵun tloqīmasa kāwā yin, yiḵā tibāde sin wāyāga āsa lāḵ qītlā sa wa; lā klī zūḵwā klū kla sa Holy Spirit a gla wa gwilte

Gāḵ lagā‐ts nūnawīmas a kā hītlūyūs māyātā‐lazī: qālā wūtl‐um gīga‐īkul kās nīnkīkulāh daḵwa ūs, uḵnūgwāda munūhwās Abraham kunūh ūmpa; la tin nīk yūklāks hītl‐āzaula ma ī da Ike Gīkumī ḵwā tīsum īḵ kās sāsumh īdā masī la ḵuq kā Abraham.

La um ḵa ā wī sī da sūbāyū kiatuḵglālīzim laḵ klūpakiā sa glāk‐glos: hī mīs lāgītl klis nāhwā um klī da glākglos yiḵā kīs kla gāḵā masuḵ ekī nūnawīmas sūpāḵū tsū‐kl, kās zuḵ‐klanū‐wī‐kl lāḵā hyīkulā.

Kā īḵs kiadūqā ī lāk kiadūqas wātldum ūtlas Isaiah ḵā prophet nīkia, nīkiāla ī da numūqī lāḵā lūplabīs, qātlālā laḵ tihyile sa Gīkumāya nukulā mas lāḵ kāyas as. Nāhwā klūḵ tsihtsa‐ungwīsīḵ kūtā matsū‐kl, la klī da nāhwā na‐unge gla wa tunhtungīs bunāla matsū‐kl; la klī da kūtlāmīstātla nukulā‐matsū‐kl, gla wī da tlāhtlūs tihyilā numāsā matsū‐kl; Kā nāhwā mīs qilā dūqilāḵ qāqile sa Ike Gīkumāya.