Popular Bible Verses from Luke 11

Share

Gilhdāḵw mī lāḵā kūsāḵs ya‐īksamā īḵ kauklilāḵ zaw yas ekī zawyā lāḵīs sāsum ūs: wī za wī wāḵaā sas kekāwī klā sīs Ikeūs Ump zaw klisī da Holy Spirit lāhdāḵw ḵī da uḵkiale kī?

La mī sin nīk yūkl, uḵkiālāla, la mī sī zawe‐kl lūkl; ālela, lāhdāḵw mī sis khā‐kl; muhyitl‐tawela, la mī sis uḵstūd gītl‐kl.

Kā ī da nāhwā uḵkiāla lokl ma ī, wa hī mī sīd āleḵs khā ma ī; gla wī da muhyitltauyāḵs uḵstūd gītl ma ī.

La nīk lāhdāḵwuk, gilhdāḵw umā hawāḵulāḵ, nīk la, Ump, māyā‐untl lā hyīs glīkum ūs: gāḵ la hyīs gīkāsa ūs.

Glū kās dīgiklilū da ūsā ḵunūh yekīnāyī, kāḵ gānūh ūgwākā mīg dīgiklilūd ḵā hītl‐tūd sawālas gāḵunūh lāḵānāhwā bagwānum: qālā hyī ḵād qestānūh lāḵ tlālaīkulyū.

Zaw la gāḵunūhwā sunūh hīmāyā ḵūḵ nīnālāḵ.

Yū um nīgwāyū sūs bagwānum īnāyā kūs ūs kayākusā kūs: gil māḵ sūs kayākusā kūs num‐mā, lūḵ wīlā mūs bagwānum īnāyā kūs kūtā um ḵa āḵ nāqātla; we hyī glūḵ yaksāmā, lāḵā ūs bagwānum īnāyā kūs kūtā um ḵa āḵ pudigālaze.

Kīyos bagwānum yiḵs la ī mīhīd ḵā nīgwāyū, uḵālītlas lāḵa tāya‐ītl, kīs um ḵa ā wīs uḵābūdis lāḵā gildas, uḵāklilūda ā glā sīts lāḵā nīgwāyūh dumā, kāhdāḵwī da la‐īkla dūḵstauyī sī ḵā nāqātlā.