Popular Bible Verses from John 6

Share

Lī Jesus nīk lāh dāḵwuk, nūgwa um humē qilā gīla, yiḵī da gāḵ kla gāḵun kīs klī pūskā īnūḵ‐kl, hī mī sī da ūqis kla gāḵun kīs klī nākīḵsda īnūḵ‐kl.

Hī dī da spirit qilā masā; kīyos qēnum sa ulzī: ḵun wātldum ūkl spirit ī, la um ḵa ā wīs qilā.

Qālā yāwīh kā ī da humāyī kīyoh wīda, hī la hyī glī da humāyī ḵā lāga āklilā lāḵā hīmunīs qilā, yiḵ zawē kla sa Ḵwanūqa sa bagwānum lūkl, yika ulgwākla‐qa kā ī yis God ḵā Umpa.

Kāḵs ga mā ī naukī sun Umpa, kā ī da nāhwē dūqātlā ḵā Kwanūq glū ūqisāk, kā uḵnūgwādī sīs hīmunīs qilā, la mī sun glāḵ wī dā mas kla kī lāḵī da ātlilḵs dī kla nālā‐kl.

Lī Jesus nānāḵmī kās nīkī lāh dāḵwuk, ga um qīgīlats God, kās ūqis dāḵwa ūs āḵ la yālākums.

Yiḵā nāhwē zawē sa Umpa gāḵun gāḵ um‐kl gāḵun: wa yiḵī da gāḵ kla gāḵun kīs un zukūdā las kla kī.

Nānāḵmayī Simon Peterk, Gīkumī kā ungwī sunūh la‐āsa? uḵnūgwā da ā kūs as wātldum qāqīxāl lāḵ hīmunīs qilā.

Nūgwā um qilā‐īs humāya yiḵ gāḵā‐ḵā gēh īd lāḵā īkī; gil mī kla sī ungwē bagwānum humh īd kluḵ gāda humēg lā klī hīmunīs qilā‐kl: kēḵāwīs yiḵī da humē kla, ḵun lā kla zawē‐kl ga mī gin ulzig, kā qilāyū sa awīnāgwīs īḵ.

Kīyos bagwānum gāḵā las gāḵun, hī gā umḵs nīḵ īd tsa wī kla sa Umpa yiḵā yālākum nūqa un, la mī sun glāḵ wī dā mas kla kī lāḵī da ātlilḵs dī kla nālā‐kl.

Kā īḵs hī mā ī hīma‐ūmats God tī da gāḵī bunīstā gēh īd lāḵā īkī la zaws qilāyū laḵwā awīnāgwīs īḵ.

Nūgwa um humē qilā gīlā.

Lī Jesus uḵ‐īd ḵā qinīq, gil mīs mūmulkyi‐gātla, la gwītl‐īdis lākā la qazīsa, hī um ḵa ā wīs qīh‐īd tsa māmā‐ūmas, lāḵ qayūh dāḵwas kās oḵwā‐kyīyā sa. Gilhdāḵw mīs pūtl īda, la nīk ḵīs disciples, kupīh īda ḵwā wīwakyauyīḵ ḵwā lāḵ gīyāyāwāyā, kā kīyosis qup ītsūḵ.

Lāh dāḵw mīs nuḵs a‐gīla klī, lāh dāḵw dūqilāḵ Jesus kāza‐klayī ḵā kulāyī nahwā‐nāqila lāḵā sākilīs, lāh dāḵw tā kitlilā. Au mīs nīk lāh dāḵwuk, Nūgwā zau um, qālā kitlil.