Popular Bible Verses from ROM 8

Share

Tin, Pathian hmangaihtu, ama ruat anga a kohvate tân chuan, an ṭhatna tûrin engkimin a thawhsak hlawm ṭhîn tih kan hria

Thihna te, nunna te, vântirhkoh te, lalna te, thil awm sa te, thil lo la awm tûr te, thiltihtheihna te, sânna te, thûkna te, thilsiam dang rêng rêngte pawhin, kan Lalpa Krista Isuaa awm Pathian hmangaihna ata chu min ṭhen thei lo vang tih dik takin ka hre si a.

Chutiang bawkin Thlarau chuan kan chak lohnaahte min pui ṭhîn a; engtia ṭawngṭai tûr nge tih kan hre si lo va; nimahsela, Thlarau chuan rûm sawi hleih theih lohvin min ṭawngṭaisak ṭhîn.

Chûng thûah chuan eng nge kan sawi ang le? Pathian kan lama a ṭan chuan tuin nge min do thei ang?

Chutichuan, tûnah zawng Krista Isuaa awmte tân chuan, thiam loh chantîrna rêng a awm tawh lo.

Tisa lam thilte duh chu thihna a ni si a, Thlarau lam thil duh erawh chu nunna leh thlamuanna a ni

Ṭhen suh e, chûng zawng zawngah chuan, min hmangaihtu avâng chuan ropui taka ngamtu kan ni.

Tûnlaia tuarnate hi nakina kan chunga ropuina tihlan tûr nên chuan tehkhin thamah ka ruat si lo.

Krista hmangaihna ata chu tuin nge min ṭhen ang? Hrehawmnain emaw, lungngaihnain emaw, tihduhdahnain emaw, ṭâmin emaw, saruaknain emaw, hlauhawmnain emaw, khandaihin emaw min ṭhen ang em ni?

Tin, Pathian duh zâwng ang zêla mi thianghlimte chu a ṭawngṭaisak ṭhin avângin, rilrute Entu chuan Thlarau duh zâwng chu a hre ṭhîn a ni.

Pathian Thlarau hruaia awm apiangte chu Pathian fate an ni si a.

Tisa dâna awmte chuan tisa lam thilte an duh ṭhîn; Thlarau dâna awmte erawh chuan Thlarau lam thilte an duh ṭhîn.

Ama Fapa ngei pawh zuah lova kan zaa aia petu chuan, thil zawng zawng pawh a thlâwnin min pe tel lo vang em ni?

Thlarau ngei chuan, keimahni thlarau nên Pathian fate kan ni tih min hriattîr ṭhîn; tin, fate kan nih chuan ro luahtute kan ni a; Pathian ro luahtu, Krista luahpuitute kan ni; a hnêna chawimawia kan awm ve theihna tûra amah kan tuarpui tak zet chuan.

tisa duh zâwng chu Pathian dona a nih avângin. Chu chu Pathian dânin a awm si lo va, awm pawh a awm thei bawk hek lo a ni.

Thil siam zawng zawngte chuan beisei êm êmin Pathian fate lo lanna chu an nghâkhlel hle si.

Thil siam zawng zawngte chu, tûn thlengin rûm leh nau vei na tuarin an awm hlawm tih kan hre si a.