Popular Bible Verses from ROM 5

Share

Nimahsela, Pathian chuan a mi hmangaihna chu fak tlâkin a lantîr a, mi sualte kan la nih laia Krista kan aia a thih avâng khân.

tin, Thlarau Thianghlim kan hnêna min pêk khân Pathian hmangaihna chu kan thinlunga a leih tawh avângin, beiseina chuan a timualpho lo va.

Tin, chuti chauh chu ni lovin, kan hrehawmnaah pawh lâwmin i awm ang u, hrehawmna chuan chhelna a siam a, chhelna chuan hriat fiahna a siam a, hriat fiahna chuan beiseina a siam tih kan hre si a

Chuvângin, rinna avânga thiam changa awmin, kan Lalpa Isua Krista avângin Pathian nên inremin i awm ang u; amah avâng vêk chuan he khawngaihna kan din nghehnaah hian rinnain kan lût ta a; Pathian ropuina beiseiin lâwmin i awm bawk ang u.

Kan la chak loh lai khân a hun têin Krista chu mi sualte ai chuan a lo thi ta si.

Chutichuan, a thisena thiam chantîra kan awm tawh hnu hian, amah avângin Pathian thinurna lak ata chu chhandamin kan awm ngei ang.

Mi pakhat tihmawh avâng khân mi tam tak chu mi sual an lo ni ta a; chutiang bawkin mi pakhat tihawih avâng khân mi tam tak chu mi fel an lo ni ang.

Chuti chauh pawh a ni lo va, inremna tûna min hmuhtîrtu, kan Lalpa Isua Krista avâng chuan Pathianah kan lâwm bawk a ni.