Popular Bible Verses from ROM 1

Share

Chanchin Ṭha chu ka zahpui si lo va; tu pawh a ring apiangte tân chhandamna tûra Pathian thiltihtheihna a ni si a; a tîrah Juda mi tân a ni a; tin, Grik mi tân pawh a lo ni leh a.

Chumiah chuan rin lehzual nân, rinnain Pathian felzia chu a lo lang a, “Mi fel chu rinnain a dam ang,” tia ziak ang khân.

A thil hmuh theih loh (a chatuan thiltihtheihna leh a Pathianzia) chu khawvêl siam tirh ata fiah taka hmuhin a awm a, thilsiamah chuan a lang a ni; chuvâng chuan, chhuanlam tûr an nei lo

Pathian hre siin Pathian angin an chawimawi lo va; lâwmthu pawh an sawi hek lo; thil lawilo an ngaihtuah ta zâwk a, an thinlung â chu a lo thim ta a.

Pathian thutak chu dâwta chantîrin, a Siamtu biak aiin a siama chu biain a rawng an bâwl ta zâwk si a. A Siamtu chu chatuana fak tlâk a ni. Amen.

Thutak fel lo taka dâltute Pathian ngaihsak lohna leh fel lohna zawng zawng chungah chuan, vân aṭangin Pathian thinur a lo lang a ni

Chumi avâng chuan Pathianin zahthlâk taka hur phalin a hawisan a; an hmeichhiate meuh pawh an awm dân pianpui chu dân lo anga awm tûrin an intidanglam si a; mipate pawh hmeichhe hman dân pângngai bânsana hurin an inît a, mipa leh mipa ṭha lo takin an inti a, an sual man hmuh tûr chu anmahniah an hmu a. Tin, Pathian hriat an duh loh avângin, thil mawi lote ti tûra a duh loh zâwng rilru neih phalin Pathianin a hawisan ta

Finga inngaiin mi âah an lo chang a, thi thei lo Pathian ropuina chu thi thei mihring te leh sava te, fuliafa te, rannung te lem angah an chantîr ta a.