Popular Bible Verses from MARKA 10

Share

Mihring Fapa meuh pawh rawngbâwlsaka awm tûrin a lo kal lo va, rawngbâwl tûr leh mi tam tak tlan nâna a nun pe zâwk tûrin a lo kal a ni si,” a ti a.

Isuan anni chu a en a, “Chu chu mihring tân tih rual a ni lo va, Pathian tân erawh chuan tih rual loh a ni lo; Pathian nên chuan engkim tih theih a ni si a,” a ti a.

Tin, Isuan a hnênah, “Kal tawh rawh, i rinna hi i dampui a ni e,” a ti a. Tichuan, a hmu thei ta nghâl a, kalkawngah chuan Isua a zui ta a.

Chutichuan, Pathianin a zawm tawh chu mihringin ṭhen suh se,” a ti a.

Tin, Isuan amah chu a en a, a hmangaih ta a, a hnênah, “Kawng khat i la bâk e; kal la, i neih apiang hralh la, pachhiate hnênah pe rawh; chutichuan, vânah ro i nei ang; tin, lo kal la, mi zui ang che,” a ti a.

Tin, Isuan amah chu a lo bia a, “I chungah engtia ka tih nge i duh?” a ti a. Tin, mitdel chuan a hnênah, “Rabboni, hmuh theih ka duh,” a ti a.

Nimahsela, nangni zîngah zawng chutiang a ni lo vang; tu pawh in zînga mi lian nih duh apiang chu in rawngbâwltuah a awm zâwk tûr a ni.

Tihtak meuhvin ka hrilh a che u, tu pawh Pathian ram chu naupang têin a lawm anga lâwm lo apiang, a chhûngah an lût tawp lo vang,” a ti a.

Nimahsela, mi tam tak hmasa bera awmte chu hnuhnûng berah an la awm ang a, hnuhnûng berte pawh hmasa berah an la awm ang,” a ti a.

Nimahsela, leilung pian tirh aṭang chuan, ‘Anni chu hmeichhia leh mipaah a siam a ni.’ Chumi avâng chuan, ‘Mipain a nu leh a pa a kalsan ang a, a nupui a vuan ang; tichuan, an pahnih chuan tisa pumkhat an lo ni tawh ang;’ chutichuan, pahnih an ni tawh lo va, tisa pumkhat an ni tawh zâwk a ni.