Popular Bible Verses from LUKA 8

Share

Lei ṭhaa mi erawh chu hêng mi hi an ni: rilru fel leh ṭhain thu an hria a, an vawng reng a, chhel takin an rah ṭhîn.

Tin, hnimhlîngnei zînga tla chu hêng mi hi an ni: an hriat hnuin an kal a, dam chhûng khawsak lungkhamnate, hausaknate, nawmsaknate chuan a dîp a, an rah puitling ṭhîn lo a ni.

Tin, pialtlêp chunga mi chu hêng mi hi an ni: an hriat veleh thu chu lâwm taka pawmte hi; nimahsela, zung rêng an nei lo, rei lo tê chauh an âwih a, thlêm an nih hunin an bânsan leh ṭhîn.

Tin, an hnênah “Khawiah nge in rinna?” a ti a. Tin, an hlau va, mak an ti hle a, “He mi hi tu nge ni le? Thli leh tui lam pawh thu a pe a, an âwih hi?” an ti hlawm a.

Tin, kawng dunga mi chu thu hre tawhte hi an ni; tin, Diabola chu a lo kal a, an âwih lohva, chhandam an nih theih loh nân an rilru ata chu a lâksak ṭhîn.

Puan loh tûra zêp eng mah a awm lo va, hriat loh tûr leh lang lo tûra thuhrûk eng mah a awm hek lo.

Tin, hmeichhia chuan a inthup theih loh a hria a, khûr chungin a lo kal a, a hmaah a bawkkhup a, a deh chhan leh chawplehchilha a dam tâk nghâlzia chu mi zawng zawng hmuhah chuan a sawi ta a. Tin, ani chuan a hnênah, “Ka fanu, i rinna hi i dampui a ni e; thlamuang takin kal rawh,” a ti a.

Tin, a hnênah an va kal a, an kai tho va, “Zirtîrtu, Zirtîrtu, kan boral dâwn hi le,” an ti a. Tin, ani chu a lo harh a, thli leh tuifâwn chu a hau ta a; tin, a bâng a, a reh ta mai a.