Popular Bible Verses from LUKA 11

Share

Chutichuan, nangni mi sual mahin in fate thil ṭha pêk nachâng in hriat chuan, in Pa vâna mi chuan a dîltute chu Thlarau Thianghlim a va pe dâwn êm!” a ti a.

Chutichuan, ka ti a che u, dîl rawh u; tichuan, an pe ang che u; zawng rawh u; tichuan in hmu ang; kik rawh u; tichuan, an hawnsak ang che u.

Tu pawh a dîl apiang chuan an hmu ṭhîn a, tu pawh a zawng chuan an hmu ṭhîn a, tu pawh a kik chu an hawnsak dâwn a ni.

Tin, ani chuan an hnênah, “In ṭawngṭai chuan heti hian ti ang che u, ‘Kan Pa, I hming zahawm rawh se. I ram lo thleng rawh se.

Kan sualte min ngaidam ang che, Keini pawhin kan englo bâte zawng zawng kan ngaidam ṭhîn a ni. Thlêmnaah min hruai lût suh ang che,’ ” a ti a.

Ni tin kan ei khawpin chaw min pe ang che.

I taksa khâwnvâr chu i mit a ni; i mit a fîm chuan i taksa pawh a pumin a êng chhuak ṭhîn; a chhiat erawh chuan i taksa pawh a thim zo vek ṭhîn.

Tu mân khâwnvâr an hâlin in hnuai pûkah an dah ngai lo, hrai hnuaiah an dah ngai hek lo, mi lûtte chuan a êng an hmuh theih nân, a dahnaah chuan an dah zâwk ṭhîn a ni.