Popular Bible Verses from JAKOBA 4

Share

Chutichuan, Pathian thû thûin awm rawh u; amaherawhchu, Diabola dodâl rawh u; tichuan, a tlân bosan ang che u.

Pathian hnaih rawh u; tichuan, anin a hnaih ang che u. Mi sualte u, in kutte sil fai rawh u; rilru bulbâl nei lote u, in thinlung tithianghlim rawh u.

Lalpa mit hmuhin inngaitlâwm rawh u; tichuan, a chawimawi ang che u.

Nimahsela, khawngaihna tam lehzual a pe ṭhîn; chuvângin, Pathian Lehkha Thuin, “Pathianin mi chapote a dodâl a, inngaitlâwmte erawh chu khawngaihna a pe ṭhîn,” a ti a ni.

Chutichuan, tu pawh thil ṭha tih tûr hriaa ti si lo chu a tân sual a ni.

In dîl a, in dîl dik loh avângin in hmu lo, in nawmsak nân hman in tum si a.

Nangni uirete u, khawvêl ṭhian nihna hi Pathian hmêlma nihna a ni tih in hre lo vem ni? Chutichuan, tu pawh khawvêl ṭhian nih duh apiang chu Pathian hmêlmaah a insiam ṭhîn a ni.

naktûkah chuan eng nge lo awm dâwn in hre si lo. In nunna chu eng nge ni? Chhûm rei lo tê lo langa, ral leh ta mai ṭhîn ang hi in ni si a.