Popular Bible Verses from ISAIA 30

Share

Ding lama in pên veleh emaw, vei lama in pên veleh emaw, in bengin in hnung lama thu, “Hei hi kawng a nih hi, tah hian kal rawh u,” tiin a hre zêl ang.

Chuvângin, LALPA chuan a khawngaih theihna tûr che uin a nghâk ang a, a lainat theihna tûr che uin chawimawiin a awm ang. LALPA chu rorêl felna Pathian a ni si a; amah nghâktute zawng zawng chu an eng a thâwl e.

LALPA Pathian, Israel-ho Mi Thianghlima chuan heti hian a sawi tawh si a: “Kîr leha châwla awmin, chhandamin in awm ang a, muang taka awmnaah leh ring taka awmnaah hian in chakna a awm ang,” tiin; nimahsela, in duh si lo.

Lalpa chuan manganna chaw leh hrehawmna tui pe che u mah sela, in zirtîrtute chu biruin an awm tawh lo vang a, in mitin in zirtîrtute chu a hmu zâwk tawh ang.

Mite chu Jerusalem-a Zion-ah chuan an awm dâwn si a; in ṭap leh tawh lo vang. In au thâwmah chuan ani chuan a khawngaih ngei ngei ang che u a; a hriat veleh a chhâng ang che u.

LALPA chuan, “Fa hel hmangho chu an chung a pik e! Chûngho chuan mi an râwn a, kei erawh chu mi râwn si lo va, an sual chunga sual an belhchhahna tûrin khuhnain an khuh a, ka thlarau thuin erawh chuan an khuh si lo va.