Popular Bible Verses from ISAIA 25

Share

Aw LALPA, nang chu ka Pathian i ni a; ka chawimawi ang chia, i hming ka fak ang; thilmak tak, hmasânga remruatte chu, rinawm tak leh thutakin i ti si a.

Thihna chu a lem hlen ta; LALPAPathian chuan mi zawng zawng hmai ata chu mittuite a hru fai ang a; a mite hmingchhiatna chu leilung luah zawng zawng ata a la bo vang; LALPAN chu chu a sawi tawh si a.

Tin, chumi nîah chuan, “Ngai teh u, hei hi kan Pathian a nih hi; ani hi kan nghâk reng a; tichuan, min chhandam ang. Hei hi LALPA chu a nih hi; ani hi kan nghâk reng a, a chhandamnaah chuan kan lâwmin kan hlim ang,” an ti ang.

Tin, mi tinrêng an vawm khuhna pâwn lam leh, hnam tinrêng an khuhna chu he tlângah hian a tichhia ang.

Tin, he tlângah hian Sipaihote LALPA chuan mi tinrêngte tân thil thautein ruai a ṭheh ang, uain te a fê nêna inchiah reng, thil thau takte thlînga khat, uainte a fê nêna inchiah reng ṭha taka thlit fai chu.