Popular Bible Verses from EXODUS 9

Share

Nimahsela, hemi avâng ngawt hian ka tungding chia, ka thiltihtheihna entîr tûr che leh khawvêl zawng zawnga ka hming a lo than theih nân.

Chutichuan, LALPAN Mosia hnênah, “Pharaoa hnênah va lût la, ‘LALPA, Hebraite Pathianin, “Ka mite hian ka rawng an bâwl theih nân chhuahtîr rawh.

Chuti ni suh sela, ka kut ka thawh ang a, nang leh i mite hi hriin ka hrem ang a, khawvêl ata hi ka tiboral daih tawh tûr che a ni.

ngai teh, phûla i rante chungah chuan LALPA kut a awm dâwn a ni, sakawr chungah te, sabengtung chungah te, sanghâwngsei chungah te, bâwng rual chungah te, berâm rual chungah te chuan hri nasa tak mai a lo lêng ang. Tin, LALPAN Israel-ho ran leh Aigupta mite ran chu a tihrang ang a; tichuan, Israela thlahte ta chu pakhat mah a thi lo vang,” a ti e,’ tiin hrilh rawh,” a ti a.

Ngai teh, naktûk hetih hunah hian rial tam pui, Aigupta ram a lo awm tirh ata, tûn thleng pawha la tla ngai lo chu ka tlâktîr ang. Chutichuan, phûla i rante leh i neih apiangte chu khungtîr thuai rawh khai; mi tin leh sa tin phûla awm, ina khung loh tawh phawt chu, rialin a dêng ang a, an thi ang,” a ti e,’ ti rawh,” a ti a.

Tin, Aigupta ram zawng zawng chungah hian vut dip takah a lo chang ang a; tin, chu chuan Aigupta ram chhung zawng zawnga mi leh sa chu khawihli a veitîr ṭheuh ang a, a durh leu chiam ang,” a ti a. Tin, rawh tuina meia vut chu an la a, Pharaoa hmaah chuan an va ding a; tin, Mosia chuan vân lamah a han theh chiam a; tichuan, mi tin leh sa tinin khawihli durh leu an lo vei ta vek a.